सेट्रल डेस्क। एअर इंडिया के न्यूयॉर्क से दिल्ली आवे वाली एगो फ्लाइट में तकनीकी खराबी के शक के चलते सोमार के सबेरे एहतियातन डेग उठावल गइल कि विमान के आयरलैंड के शैनन एयरपोर्ट पs डायवर्ट कइल गइल। फ्लाइट में करीब 300 यात्री सवार रहलें।
एअर इंडिया के प्रवक्ता के बयान अनुसार, 15 मार्च के न्यूयॉर्क (जेएफके) से दिल्ली जाये वाली फ्लाइट AI102 में संभावित तकनीकी समस्या देखल गइल। एयरलाइन के जानकारी में कहल गइल कि विमान स्थानीय समय अनुसार सबेरे 4:30 बजे शैनन एयरपोर्ट पs सुरक्षित लैंडिंग कइलस। फ्लाइट में सवार सब यात्री आ चालक दल सब सुरक्षित बा।
प्रवक्ता बतवलें कि विमान के स्थापित सुरक्षा मानक के तहत पूरा तकनीकी जांच हो रहल बा। एअर इंडिया कहलें कि यात्रियन के सुरक्षा सबसे बड़ प्राथमिकता हs आ एह कारण से एहतियातन ई फैसला लिहल गइल। फ्लाइट ट्रैकिंग वेबसाइट फ्लाइटराडार 24 के आंकड़ा के अनुसार, विमान करीब छव घंटा हवा में रहला के बाद शैनन के ओर डायवर्ट कइल गइल।
