एयर इंडिया के उड़ान के लेके बड़ खबर सामने आ रहल बा। मुंबई से न्यूयार्क जाए वाली एयर इंडिया के एगो उड़ान के बम के धमकी मिलल बा जवना के बाद जल्दबाजी में ओकरा के हवा के बीच से दिल्ली के ओर मोड़ दिहल गईल बा। जल्दिये उड़ान आईजीआई हवाई अड्डा पs आपातकालीन लैंडिंग कs लिहलस. इs जानकारी दिल्ली पुलिस देले बिया।
दिल्ली पुलिस के मुताबिक बम के धमकी मिलला के बाद मुंबई से न्यूयार्क जाए वाली एयर इंडिया के उड़ान के सुरक्षा के चलते दिल्ली के ओर मोड़ दिहल गईल बा। फिलहाल इs विमान आईजीआई हवाई अड्डा पs बा। फ्लाइट से सगरी यात्री आ फ्लाइट क्रू के उतारल गइल बा आ विमान के तलाशी लिहल जा रहल बा.
