पीएम मोदी सरकार मोबाइल आ इंटरनेट में सुधार के मूड में बिया। दरअसल आज के समय में मोबाइल आ इंटरनेट लोग खातिर जरुरत बन गइल बा। मोबाइल आ इंटरनेट के मदद से सरकारी योजना आ बैंक ओटीपी के विवरण भेजल जा रहल बा। अइसना में सरकार दूरसंचार क्षेत्र, मोबाइल अउरी इंटरनेट में बहुत बड़ बदलाव करे जा रहल बिया। एकरा खातिर केंद्र सरकार 6 महीना के समय देले बिया।
सरकार चाहत बिया कि एह 9 क्षेत्र में बदलाव होखे
केंद्रीय मंत्री ज्योतिरादित्य सिंधिया सरकार के प्राथमिकता वाला क्षेत्र के घोषणा कइले। एकरा खातिर टास्क फोर्स बनावे के बात कहल गइल बा।
सरकार फाइबर कनेक्शन के विस्तार कइल चाहत बिया।
घर के कनेक्शन बढ़ावे प जोर दिहल गईल बा।
केंद्र सरकार धोखाधड़ी रोके में लागल बिया।
सरकार दूरसंचार मैन्युफैक्चरिंग जोन बनावत बिया।
सरकार अगिला 6 महीना में सभके कनेक्टिविटी उपलब्ध करावे के लक्ष्य तय कइले बिया।
इलेक्ट्रॉनिक कचरा में बढ़ोतरी के रोके खातिर सरकार तेजी से काम करतिया।
एकरा अलावे भारत में डाटा सेंटर बनावे के महत्व दिहल जा रहल बा, ताकि भारतीयन के डाटा भारत में संग्रहीत हो सके।
सरकार हरित ऊर्जा पऽ काम कर रहल बिया, ताकि भारत में मोबाइल, लैपटॉप आ बाकी इलेक्ट्रॉनिक उपकरण चलावे पऽ कम ऊर्जा खर्च होखे।
एकरा अलावे सरकार चाहत बिया कि दूरसंचार नेटवर्क पूरा तरीका से सुरक्षित होखे। बता दीं कि चीनी कनेक्शन वाला नेटवर्क से जासूसी के खतरा रहे। इहे कारण बा कि सरकार दूरसंचार क्षेत्र के देशी 4जी आ 5जी नेटवर्क लगावे के निर्देश दे रहल बिया।
सरकार उद्योग जगत के नेता लोग से बात कइलस
दूरसंचार मंत्री ज्योतिरादित्य सिंधिया दूरसंचार उद्योग के 9 क्षेत्र में काम करे के निर्देश देले बाड़े। इहे उ क्षेत्र हऽ जवना के सरकार के निगरानी कइल जाता, जवना में अगिला 6 महीना में तेजी से काम कइल जाई। सरकार चाहत बिया कि कनेक्टिविटी सभका खातिर उपलब्ध करावल जाव। एकरा खातिर मंत्री उद्योग जगत के नेता भारती एयरटेल के एमडी अउरी सीईओ गोपाल विट्ठ्ल, रिलायंस जियो के प्रबंध निदेशक पंकज पवार, वोडाफोन-आइडिया के सीईओ अक्षय मुंद्रा से बात कइले बाड़े। एह बइठक में क्वालकॉम के वरिष्ठ उपाध्यक्षो भाग लिहले।
Comments are closed.