Tv Actor Reel to Real Life Couples: लोकप्रियता के मामिला में बहुत टीवी सेलेबस बॉलीवुड के कलाकारन के भी हरा चुकल बाड़े। बाकिर आजु हमनी के लोकप्रियता के बात ना करे जा रहल बानी जा बलुक ओह टीवी कलाकारन के बात करे जा रहल बानी जा जेकरा सह-अभिनेता में आपन जीवन साथी मिल गइल। हँ… सेट पs अभिनय करत घरी एक दोसरा के सही मायने में हिम्मत दिहल कवनो नया बात नइखे। कई गो टीवी आ बॉलीवुड सेलेब्स बाड़े जे ऑनस्क्रीन पार्टनर के लाइफ पार्टनर बनवले बाड़े।
रवि दुबे आ सरगुन मेहता
लोकप्रिय जोड़ी रवि दुबे आ सरगुन मेहता अब टीवी सीरियल के अभिनेता ना होके निर्माता बन गइल बाड़े। एह जोड़ी के प्रेम कहानी धारावाहिक करोल बाग के सेट से घटल बा। इहाँ दुनों के दोस्ती भईल अवुरी फेर प्यार हो गईल। रवि दुबे एगो डांस रियलिटी शो के सेट पs सरगुन के बियाह खातीर प्रपोज कईले। दुनो लोग के बियाह साल 2013 में भईल रहे।
शोएब इब्राहिम आ दीपिका कक्कर
खबरन के मुताबिक दीपिका कक्कर आ शोएब के मुलाकात ससुराल सिमार का के सेट पs भइल। बियाह भईला के बावजूद दिपिका के शोएब से प्यार हो गईल। बतावल जाता कि दीपिका के पहिला बियाह कठिन दौर से गुजरत रहे जब उनुकर मुलाकात शोएब से भईल। फेर साल 2015 में अभिनेत्री के तलाक हो गइल। कुछ समय तक डेट कईला के बाद शोएब अवुरी दीपिका के बियाह साल 2018 में भईल। हाल ही में दुनो लोग एगो बेटा के माता-पिता बन गईल बाड़े।
रुबीना दिलैक आ अभिनव शुक्ला
छोटी बहु धारावाहिक में रुबीना दिलैक आ अभिनव शुक्ला मिल के काम कइले बाड़न। खबर के मुताबिक सेट पs दुनो लोग ठीक से बात तक ना कईले, लेकिन जब रुबीना अवुरी अभिनव के मुलाकात एगो आम दोस्त के जगह पs भईल त अभिनेता के दिल रूबीना पे आ गईल। साल 2018 में रुबीना अवुरी अभिनव के बियाह धूमधाम से भईल।
विवेक दहिया आ दिव्यांका त्रिपाठी
अगर खबरन पd विश्वास कइल जाव त ये है मोहब्बतें के फेम दिव्यांका त्रिपाठी आ विवेक दहिया के मुलाकात एह धारावाहिक के सेट पs भइल आ ओह लोग के प्यार ओहिजा खिलल। दुनो लोग के बियाह साल 2016 में भईल रहे।
नील भट्ट आ ऐश्वर्या शर्मा
गुम है किसी के प्यार में फेम नील भट्ट आ ऐश्वर्या शर्मा के ऑनस्क्रीन रोमांस बहुते पसंद आइल बा। साल 2021 में बियाह हो गइल।
गुरमीत चौधरी आ देबीना
रामायण धारावाहिक में राम-सीता के भूमिका में आइल गुरमीत चौधरी आ देबीना बनर्जी अक्सर अपना निजी जिनिगी से जुड़ल सुर्खियन के हिस्सा बनल रहेले। साल 2009 में ए जोड़ी के बियाह गुप्त रूप से भईल अवुरी साल 2022 में गुरमीत-देबीना दु बेटी के माता-पिता बन गईले।
