रुधौली थाना क्षेत्र के करमा कला गांव में सिवान से आवारा भैंस लेके जात तीनों आरोपी के गांव के लोग पकड़ लेले। बाद में पुलिस पहुंचल अवुरी तीनों के हिरासत में ले लेलस। गांव के लोग के कहनाम बा कि तीनों अपना संगे भैंस भी लेके आईल रहले। आरोप बा कि भैंस के मारपीट के बाद ले जाइल जात रहे। तीनों के खिलाफ चोरी अवुरी पशु क्रूरता कानून के तहत मामला दर्ज भईल बा।
गांव के मुख्य प्रतिनिधि विजय प्रताप यादव बतवले कि गांव के लोग के मर्जी से एगो भैंस छोड़ल गईल। कुछ लोग तीन साल पहिले एकरा के चोरा लेले रहले। करीब दू साल पहिले एगो अउरी भैंस छोड़ल गइल रहे। मंगलवार के सांझ में भैंस लेके आईल कुछ लोग भैंस के पीट-पीट के ले जाए लगले। गांव के कुछ लोग के नजर जब ओ लोग पsp पड़ल त उ लोग पूछताछ करे लगले। कबो नेपाल के निवासी के रूप में अपना के बतावे लगले त कबो कुछ अउर। शक भइला पर जब आधार कार्ड भा दोसर पहचान पत्र माँगे लगले त अचानक भागे लगले. लोग दौड़ के पकड़ के पुलिस के सूचना देले। पुलिस के पहुंचला प पूछताछ के दौरान एक आदमी के पहचान राम भवन चौहान निवासी भितिरावत सहजनवा गोरखपुर, एगो अवुरी निजामुद्दीन, कोइलबाग बखिरा, संतकबीरनगर, अवुरी तीसरा, चौरी रामनगर थाना चौरी चौरा निवासी शिवानंद यादव बतावल गईल। उनुका संगे आईल चार अवुरी लोग मौका मिलला के बाद भाग गईले। दुनो जानवर के पुलिस गांव के चौकीदार आाज्ञाराम यादव के सौंप दिहल गईल अवुरी गिरफ्तार तीन आरोपी के थाना पहुंचावल गईल।
Comments are closed.