Cyclone Biparjoy: मुंबई-सौराष्ट्र से केरल ले समुद्र में उठ रहल बा डरावना लहर, PM Modi करिहें बैठक

 

चक्रवाती तूफान बिपरजॉय अतवार के दिने तेज होके भयंकर चक्रवाती तूफान बन गइल आ तेजी से भारत के ओर बढ़त जात बा। एकरा बारे में सात राज्य में अलर्ट जारी क दिहल गईल बा। एकर असर खास तौर पs गुजरात अवुरी महाराष्ट्र में देखाई दिही। एकरा बारे में गुजरात के मौसम विभाग येलो अलर्ट के बदल के ऑरेंज अलर्ट क दिहले बा। आज पीएम मोदी भी बिपरजॉय के संबंध में विशेष बैठक करे जात बाड़े।

चक्रवाती तूफान बिपरजॉय भारत में समुद्र के पश्चिमी तट पs आपन भयंकर रूप देखावे लागल बा। मुंबई से केरल तक तट के किनारे समुद्र में तेज लहर देखाई देता अवुरी हवा के गति बढ़ता।