यमुना एक्सप्रेसवे पs 60 से 80 किमी के रफ्तार से ही दौड़ सकी वाहन, पढ़ लेईं ई जरूरी खबर

यमुना एक्सप्रेसवे पर बढ़त कोहरा के वजह से हो रहल हादसन पs लगाम लगावे खातिर रफ्तार पर काबू करे के योजना बना लिहल गइल बा। 15 दिसंबर से एक्सप्रेसवे पर भारी वाहन 60 किमी अउर हलुक वाहन 80 किमी के रफ्तार से दौड़ पइहें। रफ्तार पर ई प्रतिबंध 15 फरवरी ले रही।

दरअसल, यमुना एक्सप्रेसवे पर सर्दियन में हादसा के आंकड़ा बढ़ जाला। एह पर लगाम लगावे खातिर यमना प्राधिकरण हर साल सर्दियन में एक्सप्रेसवे पर वाहन के रफ्तार कम कs देला। एहसे हादसन में कमी आ जाला।

एहू साल 15 दिसंबर से 15 फरवरी ले वाहन रफ्तार पर लगाम लगावल जाई। प्राधिकरण के ओर से एकरे खातिर तैयारी कs लीहल गइल बा अउर जेपी समूह के एकर पालन करावे के निर्देश जारी कs दिहल गइल बा।