राम मंदिर के इतिहास पर बनी फिलिम, निर्माण समिति  अमिताभ बच्चन से कइलस आवाज देवे के निहोरा

अयोध्या में राम मंदिर साल 2023 में बन के तैयार हो जाई। राम मंदिर के 500 साल के इतिहास पर फिलिम बनावल जाई। श्री राम मंदिर निर्माण समिति के कहनाम बा कि ऊ अमिताभ बच्चन से मंदिर के इतिहास पर बन रहल फिल्म खातिर उनकर आवाज देवे के निहोरा कइले बानें। अभिनेता के आवाज के इस्तेमाल फिलिम में सूत्रधार के तौर पs कइल जाई। एह फिलिम में मंदिर बनवले के दौरान कइल गइल संघर्ष के कहानी दिखावल जाई। बता देईं कि दूरदर्शन पर एह फिल्म के दिखावे के एलान कइल गइल बा। एके ले के राम मंदिर निर्माण समिति के दू दिन के बैठक में चर्चा भी भइल।