दुआ के संगे अकीदतमंद लोग रखल मुकद्दस रमजान के दुसरा रोजा

माहे-रमजान के दुसरका रोजा सोमार के 14 घंटा 3 मिनट के रहल| रोजा रखे वाला लोग दिन भर इबादत में जुटल रहनें| फ़र्ज नमाज के संगे कुरआन के तिलावत कइल जा रहल बा| मस्जिदन में खूब भीड़ हो रहल बा|

रोजेदार के हर काम पीयल, सूतल, उठल, इहाँ ले की साँसों लेहल जोरल जाला अल्लाह के फजल अपने रोजेदार बंदन पर खूब हो रहल बा|

इफ्तार के खुशबू से महक रहल बा सगरी फिजा

नखास स्थित कई होटल, रेती चौक, तुर्कमानपुर, शाह मारुफ़, उर्दू बाज़ार, जाफरा बाजार, रसूलपुर, घंटाघर, इलाहिबाग, पिपरापुर, जाहिदाबाग, गोरखनाथ आदि जगही पर इफ्तारी के खुशबू फइलल बा| होटल पे लोग के ताता लागल बा|

मुकद्दस रमजान के बेरा

इफ्तारी (5 अप्रैल) रोजा मंगलवार

सुन्नी 06:22 बजे साँझ,

शिया 06:28 बजे साँझ

 

सहरी (६ अप्रैल) रोजा बुधवार

सुन्नी 04:16 बजे भोर,

शिया 04:09 बजे भोर