जम्मू कश्मीर के पहलगाम में भइल आतंकी हमला के बाद भारत के कड़ा रुख के चलते पाकिस्तान में डर के माहौल बा. भारत के अमेरिका के पूरा समर्थन से नाराज पाकिस्तान अब चीन आ खाड़ी के देशन से मदद के गोहार लगावत बा. एही बीच पाकिस्तान कड़ा कार्रवाई कईले बा अवुरी पीओके में आपातकाल के घोषणा कs देले बा। पाकिस्तान के आशंका बा कि भारत पीओके पs हमला कs सकेला. इहे कारण बा कि उs पोके में पटाखा पs रोक लगा देले बिया। झेलम घाटी में लाउडस्पीकर बजावे पs भी रोक लगावल गइल बा। एतने ना, शादी-बियाह में संगीत बजावे तक पs रोक लगा दिहल गईल बा।
राफेल होखे भा राफेल के मामा, हम तईयार बानी’।
पाकिस्तान पीओके में करीब 1000 मदरसा बंद कs देले बा अवुरी सभ सार्वजनिक गतिविधि पs रोक लगा देले बा। पाकिस्तान के रक्षा मंत्री ख्वाजा आसिफ भारत के राफेल लड़ाकू विमानन पs कहले कि राफेल होखे भा राफेल के मामा, हमनी के तइयार बानी जा. उs दावा कईले कि पाकिस्तानी सेना के मनोबल बहुत बा अवुरी भारत जदी कवनो कदम उठाई तs ओकरा के उचित जवाब दिहल जाई। ओने प्रधानमंत्री शाहबाज शरीफ के सलाहकार राणा सनाउल्लाह कहले कि भारत के रक्षा मंत्री राजनाथ सिंह अवुरी गृहमंत्री अमित शाह के बयान से साफ बा कि हमला पक्का बा। पाकिस्तान के पीएम के संयोजक राणा एहसान अफजल खान भी भारत के धमकी देले बाड़े।
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
