पाकिस्तान आतंकवादी समूहन के समर्थन करत बा : पहलगाम में भइल बेरहमी आतंकी हमला के बाद भारत आ पाकिस्तान के बीच तनाव बढ़ रहल बा. एही बीच पाकिस्तान के रक्षा मंत्री ख्वाजा आसिफ के बयान से सनसनी पैदा हो गईल बा। पाकिस्तान के रक्षा मंत्री ख्वाजा आसिफ अब खुद मान लिहले बाड़न कि उनुकर देश भारत के खिलाफ आतंकियन के समर्थन करत आइल बा. ई जानकारी समाचार एजेंसी एएनआई के एगो रिपोर्ट में दिहल गइल बा. एकरा बारे में एगो वीडियो क्लिप भी वायरल हो गईल बा।
पाकिस्तान के रक्षा मंत्री का कहले
पाकिस्तान के रक्षा मंत्री स्काई न्यूज के यल्दा हकीम से बात करत बाड़े. जब ऊ पूछत बाड़ी कि का रउरा मानत बानी कि पाकिस्तान के आतंकी संगठनन के समर्थन, प्रशिक्षण आ फंडिंग के लमहर इतिहास बा? एकरा जवाब में आसिफ एगो सनसनीखेज कबूलनामा में कहले कि, ‘हs, हमनी के पछिला तीन दशक से ब्रिटेन समेत अमेरिका अवुरी पश्चिम खातीर इs गंदा काम करतानी।’
पाकिस्तान आतंकियन के शरण देत आइल बा
ख्वाजा आसिफ अपना जवाब में कहले कि, जदी हमनी के सोवियत संघ के खिलाफ लड़ाई अवुरी बाद में 9/11 के बाद के युद्ध में शामिल ना रहित तs पाकिस्तान के ट्रैक रिकॉर्ड बेदाग रहित। एएनआई के रिपोर्ट में कहल गइल बा कि ख्वाजा आसिफ के बयान से साफ हो गइल बा कि पाकिस्तान कई साल से आतंकी समूहन के आश्रय देत आइल बा.
इहो पढ़ीं: सबेरे-सबेरे: गरमी के मौसम में शरीर में पानी के कमी से हो सकेला इs गंभीर बेमारी
