बॉलीवुड के किंग खान यानी शाहरुख खान के हाल ही में जान से मारे के धमकी मिलल रहे। इs धमकी उनुका के सीधा ना दिहल गईल, बालुक मुंबई पुलिस के एगो शाखा से धमकी के फोन आईल। एकरा बाद पुलिस कार्रवाई में आके संदिग्ध के पता लगावे लागल, ओकरा बाद पता चलल कि इs धमकी के कॉल छत्तीसगढ़ से आवत रहे। अब पुलिस एह मामिला में बड़हन कार्रवाई कइले बिया आ एगो संदिग्ध के हिरासत में लिहल गइल बा. मुंबई पुलिस सूत्र से मिलल जानकारी के मुताबिक छत्तीसगढ़ के रायपुर में एगो संदिग्ध आदमी के हिरासत में लिहल गईल बा। फिलहाल छत्तीसगढ़ के राजधानी रायपुर में मुंबई पुलिस के टीम मौजूद बिया अवुरी आरोपी से पूछताछ करतिया।
पूरा मामला कईसे शुरू भईल?
शाहरुख खान के मिलल एs धमकी के बारे में बांद्रा पुलिस के जानकारी मिलल रहे। बतावल जाता कि फोन थाना में ही आईल बा। 5 नवम्बर के बांद्रा थाना नंबर पs फोन आईल तs आरोपी कहलस कि, ‘उs बैंडस्टैंड के शाहरुख हवे, 50 लाख देवे के कह दीं ना तs मार देब…’। पुलिस जब पूछलस कि के बोलत बा तs उs कहले कि कवनो फर्क नईखे पड़त, हमार नाम हिंदुस्तानी लिख दीं। जसही इs मामला सोझा आईल पुलिस तुरंत कार्रवाई करे लागल अवुरी पाता चलल कि इs नंबर छत्तीसगढ़ फैजान के एगो आदमी के नाम पs रजिस्ट्रेशन भईल बा। जब हम एह व्यक्ति से बात कईनी तs पता चलल कि एह घटना से तीन दिन पहिले यानी 2 नवंबर के उनुकर फोन चोरी हो गईल रहे अवुरी उs नंबर बंद ना कs पवले। उs व्यक्ति रायपुर में फोन चोरी कइलस रिपोर्ट भी दर्ज करवले रहे।