दिल्ली कैपिटल्स बनाम मुंबई इंडियन के बीच बा आज काटा के मैच

आईपीएल 2022 में अब तक के सबसे महत्वपूर्ण मैच दिल्ली कैपिटल्स अवरू मुंबई इंडियन के बीच होई (मुंबई इंडियन बनाम दिल्ली कैपिटल्स, 69वां मैच)। दुनो टीम के बीच के इ हाई वोल्टेज मैच मुंबई के वानखेड़े स्टेडियम में होखे वाला बा। प्लेऑफ में चहुँपे वाली एह सीजन के चउथा टीम बने खातिर दिल्ली के आजु कवनो कीमत पर मुंबई का खिलाफ आपन क्षमता देखावे के पड़ी. एह मैच के जीतला पर दिल्ली आईपीएल 2022 के प्लेऑफ के टिकट काट दी जबकि विराट कोहली के टीम रॉयल चैलेंजर्स बैंगलोर टीम के आउट होखे के पड़ी. अयीसना में ए महत्वपूर्ण मैच से पहिले हमनी के बता दीं कि आईपीएल के इतिहास में कवन टीम के बोलबाला बा।

DC बनाम MI हेड टू हेड : दिल्ली बनाम मुंबई हेड टू हेड

आईपीएल में दिल्ली कैपिटल्स आ मुंबई इंडियन्स का बीच कुल 31 गो मैच खेलल गइल बा जवना में दिल्ली 15 गो जीतले बिया जबकि मुंबई एक गो अउरी जीतले बिया. भारत में अबले दुनु टीम एक दोसरा का खिलाफ 23 गो मैच खेल चुकल बाड़ी सँ जवना में से दिल्ली 11 गो आ मुंबई 12 गो जीत चुकल बिया. एकरा संगे-संगे यूएई में दिल्ली अवुरी मुंबई के बीच 8 मैच भईल बा अवुरी दुनो टीम 4-4 मैच जीत चुकल बा। मुंबई का खिलाफ दिल्ली के औसत स्कोर 146 बा जबकि दिल्ली का खिलाफ मुंबई के औसत स्कोर 162 बा. मुंबई का खिलाफ दिल्ली खातिर ऋषभ पंत सबले बेसी 333 रन बनवले बाड़न जबकि रोहित शर्मा दिल्ली का खिलाफ सबले बेसी 910 रन बनवले बाड़न.

प्लेऑफ में पहुंचे खातिर दिल्ली के समीकरण

बेंगलुरु टीम आठ गो जीत आ छह गो हार का बाद 14 गो मैचन से 16 अंक ले के चार नंबर पर बा. हालांकि उनकर नेट रन रेट माइनस में बा जवन -0.253 बा. एकरा साथे सात गो जीत आ छह गो हार का बाद दिल्ली 13 गो मैचन से 14 अंक ले के पाँचवा नंबर पर बिया. दिल्ली खातिर बढ़िया बात ई बा कि ओह लोग के नेट रन रेट प्लस में बा जवन 0.255 बा. अइसना में अगर आजु दिल्ली मुंबई के हरा दी त फेर प्लस नेट रन रेट का आधार पर ऊ प्लेऑफ खातिर क्वालीफाई कर ली. मुंबई आपन पिछला मैच सनराइजर्स हैदराबाद का हाथे 3 रन से हार गइल रहुवे.