गोरखपुर : नेपाल में कम बरखा के कारण नदी के जलस्तर में उतार-चढ़ाव होला। सोमार के बर्डघाट के अयोध्या पुल अवुरी राप्ती नदी पs सरयू (घघरा) के जलस्तर में बढ़ोतरी होखता। पिछला 24 घंटा के भीतर महाराजगंज जिला के त्रिमुहानीघाट में रोहीन नदी डेढ़ मीटर ऊपर उठल। जानकार लोग के कहनाम बा कि मंगल के एकर असर गोरखपुर में भी देखाई दिही।
जिला से गुजरे वाली राप्ती आ रोहिन नदी हर साल बाढ़ ले आवेले। सोमार के सांझ के राप्ती के पानी बर्डघाट में लगावल गेज पs 71.430 मीटर पs रहल। जबकि त्रिमुहानीघाट में रोहिन नदी के जलस्तर 79.300 मीटर दर्ज कइल गइल। अतवार के साँझ चार बजे एहिजा के जलस्तर 77.850 मीटर रहल जबकि सोमार के साँझ ई बढ़ के 79.300 मीटर हो गइल।
पिछला 24 घंटा के भीतर त्रिमुहानी घाट पs रोहिन नदी के पानी में करीब डेढ़ मीटर के बढ़ोतरी भईल बा। एकर असर मंगल के दिने राप्ती में देखल जा सकेला। राप्ती के जलस्तर में भी मामूली बढ़ोतरी दर्ज भइल बा।
सोमवार के नदी के पानी के स्तर
नदी के स्थान खतरा के संकेत 8 a.m. 4 p.m.
•घघरा अयोध्या पुल 92.73 92.260 92.290
•घघरा तुर्तीपार 64.01 63.510 63.450
•कुआनो मुखलिसपुर 78.65 74.290 74.230
• राप्ती बंसी 84.90 81.950 82.120
•राप्ती बर्डघाट 74.98 71.360 71.430
•रोहिन त्रिमुहानी 82.44 78.690 79.300
•गोरा पिंड्रा 70.50 67.100 67.100
•बूढ़ी राप्ती ककरही 85.65 82.200 82.610
