Yoga Tips: एह योगासन से ठीक होइ बॉडी के खराब पोस्चर, शरीर रही सुडौल आ दरद से मिली राहत

 

Yoga Asanas for Perfect Body : शारीरिक समस्या अवुरी बेमारी से छुटकारा पावे खातीर योग आसन के अभ्यास फायदेमंद होखेला। योग के अभ्यास से कई तरह के बेमारी से राहत मिलेला। एह व्यस्त जिनिगी में लोग के जीवनशैली बिगड़त जात बा। लोग घंटन बिना आराम के काम में व्यस्त रहेला। घंटों ऑफिस में कुर्सी पs बईठ के, लगातार लैपटॉप पs गलत तरीका से काम करत शरीर के मुद्रा खराब होखे लागेला। ठीक से ना बईठला के चलते शरीर के आकार भी उहे होखे लागेला। शरीर के गलत मुद्रा से आदमी के बहुत शारीरिक समस्या अवुरी दर्द हो सकता। अगर आपके इहो लागता कि गलत बईठला के चलते आपके शरीर के मुद्रा खराब हो गईल बा, त नियमित रूप से कुछ योगासन के अभ्यास कs के आप अपना शरीर के स्वस्थ अवुरी सही मुद्रा में ले आ सकतानी। इहाँ शरीर के खराब मुद्रा के सुधारे खातिर योग आसन दिहल बा।

कपोतासन

कपोतासन योग अभ्यास से शरीर के बहुत फायदा मिलेला। एह योग के पिजन आसन भी कहल जाला। एह आसन के कइला से रीढ़ के हड्डी, हैमस्ट्रिंग आ ग्लूट्स ढीला हो जाला। आसन करत घरी गोड़ खिंचाइल रहे के चाहि।वर्कआउट से पहिले इ योग वार्म अप के रूप में क सकतानी। शरीर के मुद्रा के सही करे खातिर रोज कपोतासन के अभ्यास करीं।

ताड़ासन

ताड़ासन के माउंटेन पोज भी कहल जाला। एह आसन के अभ्यास काफी आसान बा। ताड़ासन के अभ्यास करत घरी शरीर वर्टिकल अलाइनमेंट में होला। ताड़ासन योग कंधा, छाती अवुरी हाथ के मजबूत करे खातीर फायदेमंद होखेला, संगही शरीर के सुडौल बनावेला।

मार्जरी आसन

एह आसन के करत घरी शरीर के मुद्रा बिलार के मुद्रा निहन होखेला। एह आसन के अभ्यास से कमर के हड्डी मजबूत हो जाला। अगर कंप्यूटर के सोझा बईठला के चलते आपके शरीर के मुद्रा खराब हो जाए त आप ए आसन के अभ्यास कs सकतानी। मुद्रा के सही करे अवुरी कमर के सीधा करे में इ उपयोगी होखेला।

नोट : ई लेख योग विशेषज्ञ लोग के सुझाव के आधार पs तइयार कइल गइल बा। आसन के सही स्थिति के बारे में जाने खातिर आप कवनो योग गुरु से संपर्क क सकतानी।