Wipro बढ़वलस अपना Buyback कार्यक्रम के लास्ट डेट, अब एह दिन तक कंपनी करी बायबैक

आईटी दिग्गज विप्रो अपना 12000 करोड़ रुपिया के बायबैक ऑफर के समापन तिथि 29 जून से बढ़ाके 30 जून कs देले बिया। सेबी काल्ह माने 27 जून के कंपनी के एकर मंजूरी देले रहे। बायबैक के कुल राशि 445 रुपिया प्रति इक्विटी शेयर के कीमत पs 12000 करोड़ रुपिया से जादे ना होई। ओहिजा कंपनी रजिस्ट्रार द्वारा वेरिफिकेशन के अंतिम तिथि 4 जुलाई तय कइल गइल बा।

By Anurag Ranjan On Jun 28, 2023

आईटी कंपनी विप्रो (Wipro) अपना 12,000 करोड़ रुपिया के शेयर बायबैक के अंतिम तिथि में बदलाव कइले बिया। कंपनी लास्ट डेट के 29 जून से बढ़ाके 30 जून कs देले बिया। बाजार नियामक सेबी ने विप्रो के काल्ह माने 27 जून के बायबैक के लास्ट डेट के बढ़ावे के मंजूरी देले रहे।

केतना शेयरन के होई बायबैक?

कंपनी के बोर्ड 26,96,62,921 इक्विटी शेयरन तक बायबैक के प्रस्ताव के मंजूरी दे देले रहे, जवन कुल भुगतान कइल गइल इक्विटी शेयरन के 4.91 प्रतिशत बा जवना के कुल राशि 445 रुपिया प्रति इक्विटी शेयर के कीमत पs 12,000 करोड़ रुपिया से जादे नइखी।

एह वजह से बढ़ल लास्ट डेट

नियम के मोताबिक, बायबैक के 5 कार्य दिवसन तक खुला रखल जरूरी होला। विप्रो 22 जून के बायबैक खोलले रहे जवन नियम के मोताबिक काल्ह माने 29 जून के बंद होखे के रहे बाकिर काल्ह शेयर बाजार बकरीद त्योहार के वजह से बंद बा, जवना के चलते विप्रो लास्ट डेट के बढ़ाके 30 जून कs देले बा।

कब बा वेरिफिकेशन के लास्ट डेट?

बायबैक के खतम होखला के बाद, विप्रो के बायबैक खातिर रजिस्ट्रार द्वारा वेरिफिकेशन के अंतिम तिथि 4 जुलाई तय कइल गइल बा। एकरा अलावे रजिस्ट्रार द्वारा स्टॉक एक्सचेंजन के निविदा इक्विटी शेयरन के स्वीकृति/गैर-स्वीकृति के तारीख 6 जुलाई तय कइल गइल बा।

ओहिजा 7 जुलाई के बोलियन के निपटान के आखिरी तारीख तय कइल गइल बा। जहां पात्र शेयरधारकन/शेयर दलालन के अस्वीकार्य इक्विटी शेयरन के वापसी; बायबैक ऑफर में भाग लेवे वाला पात्र शेयरधारकन के प्रतिफल के भुगतान कइल जाई।

बायबैक से का करी कंपनी?

बायबैक के माध्यम से, विप्रो अपना इक्विटी शेयर रखे वाला शेयरधारकन के ओकर शेयरधारिता के अनुपात में सरप्लस नकदी दे सकी, जवना से शेयरधारकन के कुल रिटर्न में बढ़न्ती होई।

संगही, बायबैक से विप्रो के अपना इक्विटी आधार के कम कs के प्रति शेयर आय आ इक्विटी पs रिटर्न जइसन वित्तीय अनुपात में सुधार करे में मदद मिली।