टेक्नोलॉजी खुद के केतना विकसित कइले बा ई तs हमनी सभे जानत बानी सs। जहां पहिले के समय में फोन आ कंप्यूटर बहुत बड़ भइल करत रहे ओहिजा, आज के समय में ई बहुते पोर्टेबल हो गइल बा। कुछ एही तरह से ऑनलाइन पेमेंटो बहूते सुविधाजनक होखे वाला बा। एगो रिपोर्ट के अनुसार, ज्लदिये एगो स्मार्ट रिंग के माध्यम से रउआ ऑनलाइन पेमेंट कs पाएम। चली जानल जाव कि रउआ स्मार्ट रिंग के माध्यम से कइसे यूपीआई पेमेंट कs सकत बानी।
जानीं स्मार्ट रिंग के बारे में:
सबसे पहले ई जानल जाव कि एह स्मार्ट रिंग के के बनवले बा। बता दीं कि केरल स्टार्टअप मिशन के एगो स्टार्टअप कॉन्क्लेव में एह स्मार्ट रिंग के पेश कइल गइल बा। एसे तिरुवनंतपुरम के एगो स्टार्टअप Acemoney पेश कइले बा। एकर कॉन्सेप्ट बहुते आसान बा। ई स्मार्ट टीवी NFC के इस्तेमाल करत बा। जदि रउआ लगे राउर फोन नइखे आ कार्डो नइखे आउर गलती से रउआ लगे कैशो नइखे तs ई स्मार्ट रिंग लेनदेन खातिर सब तरह से इनेबल होई। अइसन में जदि ई रिंग लॉन्च कइल जात बा तs ई यूजर्स खातिर बहुते सुविधाजनक पेशकश रही।
का बा फीचर्स:
एह रिंग के जिरकोनिया सिरेमिक से बनावल गइल बा। ई हाइपोएलर्जेनिक बा। एह रिंग में खरोचो नइखे आ सकत। जदि ई पानियो में चल जाए तs एसे कुछ ना होई काहेकि ई वॉटरप्रूफ बा। सबसे अहम बात बा रउआ के बतावत बानी। एमे ना तs बैटरी दिहल गइल रहे आ ना कवनो चार्जिंग कंपोनेंट दिहल गइल रहे। एकरा आप चार्ज ना कs पाएम। ई पूरा तरे से NFC पs काम करत बा। एमे ब्लूटूथ कनेक्शनो दिहल गइल बा।
कइसे कs पाएम इस्तेमाल:
ई रिंग एगो ऐप के संगे काम करत बा जवना के नाम Acemoney बा। एह ऐप में बस रउआ पईसा एड करे के होई। फेर रउआ Contactless विकल्प के इनेबल करे के होई। फेर रउआ रिंग के इस्तेमाल कs के पेमेंट कs पाएम। एकरा खातिर फोन के जरूरत ना पड़ी। पेमेंट करे खातिर रउआ अंगूरी में पहिनल रिंग के पेमेंट टर्मिनल पs रखे के होई। एकरा बाद एगो बीप के आवाज आई आ राउर पेमेंट हो जाई।
साभार: नवभारत टाइम्स
