, नई दिल्ली। रेलवे में सरकारी नौकरी के सपना देखे वाला नवहियन खातिर एगो खुशखबरी बा। रेलवे रिक्रूटमेंट बोर्ड (RRB) के ओर से रेलवे में एगो अउरी नया भर्ती खातिर शॉर्ट नोटिफिकेशन जारी कइल गइल बा। अधिसूचना के मुताबिक, नॉन-टेक्निकल पॉपुलर कैटेगरी (अंडर ग्रेजुएट/ CEN 7/2026) भर्ती खातिर काल्ह यानी 15 अक्टूबर से ऑनलाइन आवेदन के प्रक्रिया शुरू हो जाई, जवन निर्धारित अंतिम तारीख 13 नवंबर 2026 (संभावित) तक चली।
12वीं पास नवही भर्ती में शामिल होखे खातिर पात्र
रेलवे NTPC UG भर्ती 2026 में शामिल होखे खातिर अभ्यर्थी के मान्यता प्राप्त बोर्ड या संस्थान से इंटरमीडिएट (10+2) पास होखल जरूरी बा। एकरे अलावा, कुछ पदन खातिर उम्मीदवारन के हिंदी या अंग्रेजी में टाइपिंग के जानकारी होखे के चाहीं।
उम्मीदवार के न्यूनतम उमिर 18 साल आ अधिकतम उमिर 33 साल से जादे ना होखे के चाहीं। आरक्षित वर्ग के उम्मीदवारन के अधिकतम उमिर सीमा में नियमानुसार छूट दिहल जाई। उमिर के गणना 1 जनवरी 2027 के आधार पर कइल जाई।
कतना पद प होखे के बा भर्ती
RRB के ओर से NTPC अंडर ग्रेजुएट के तहत कुल 1688 खाली पद पर नियुक्ति कइल जाए के बा। एहमें से अकाउंट्स क्लर्क कम टाइपिस्ट खातिर 200 पद, कॉमर्शियल कम टिकट क्लर्क (CCTC) खातिर 700 पद, जूनियर क्लर्क कम टाइपिस्ट खातिर 600 पद आ ट्रेन क्लर्क खातिर 188 पद तय कइल गइल बा।
कहां आ कइसे कइल जा सकेला आवेदन
एह भर्ती में शामिल होखे खातिर खाली ऑनलाइन आवेदन कइल जा सकेला। कवनो दोसर तरीका से फॉर्म स्वीकार ना कइल जाई। आवेदन RRB के आधिकारिक पोर्टल rrbapply.gov.in पर कइल जा सकेला।
फॉर्म भरे के साथे जनरल/OBC/EWS वर्ग के उम्मीदवारन के 500 रुपिया आ SC/ST/PH/महिला उम्मीदवारन के 250 रुपिया आवेदन शुल्क जमा करे के पड़ी।
CBT-1 परीक्षा के बाद जनरल/OBC/EWS वर्ग के उम्मीदवारन के 400 रुपिया वापस कइल जाई, जबकि SC/ST/PH/महिला उम्मीदवारन के पूरा आवेदन शुल्क वापस कर दिहल जाई।
NTPC UG के पद प कइसे होई चयन
RRB NTPC UG भर्ती खातिर उम्मीदवारन के चयन कंप्यूटर बेस्ड टेस्ट (CBT-1), CBT-2, टाइपिंग/स्किल टेस्ट (अगर लागू होखे), डॉक्यूमेंट वेरिफिकेशन आ मेडिकल टेस्ट के आधार पर कइल जाई।
भर्ती से जुड़ल पूरा जानकारी विस्तृत नोटिफिकेशन के साथ जारी कइल जाई।
No comments yet. Be the first to comment!