रांची : भारतीय जनता पार्टी (भाजपा) के नेता प्रतुल शाहदेव के पुलिस हिरासत में ले लेले बिया। पुलिस उनका के अपना संगे ले गइल बिया। ऊ भाजपा नेता अनिल टाइगर के हत्या के विरोध में प्रदर्शन करत रहलें। एएनआई से बात करत ऊ कहलें, ‘अपराधियन के पकड़ला के बजाय शांतिपूर्ण तरीका से विरोध कs रहल राजनीतिक नेता के पुलिस ले जा रहल बा।’ भाजपा नेता पार्टी के वरिष्ठ नेता अनिल टाइगर के हत्या के दुर्भाग्यपूर्ण बतवलें आ रांची के अपराध के राजधानी करार देलस।
शाहदेव एएनआई से कहलें, ‘अनिल टाइगर के हत्या हो गइल बा। ई हेमंत सोरेन के कानून बेवस्था पs पकड़ दिखावत बा। ई बहुते दुर्भाग्यपूर्ण बा। ऊ भाजपा के वरिष्ठ नेता रहस। रांची अपराध के राजधानी बनत जा रहल बा। पुलिस स्टेशन से मात्र 25 मीटर के दूरी पs दिनदहाड़े एगो जनप्रतिनिधि के हत्या कs दिहल गइल। आज पुलिस हमरा के हिरासत में लेवे आइल बिया। काश पुलिस ई प्रयास तब देखवले रहित, जब उनका पs गोली चलावल गइल रहे।
झारखंड भाजपा के नेता अनिल टाइगर के बुध के रांची में हत्या कs दिहल गइल। एगो अधिकारी बतवलें कि पुलिस के संगे मुठभेड़ के बाद हत्या के एगो आरोपी के गिरफ्तार कs लिहल गइल बा। एसएसपी रांची बतवलें, ‘भाजपा नेता अनिल टाइगर के हत्या के एगो आरोपी के मुठभेड़ के बाद गिरफ्तार कs लिहल गइल बा। ओकरा जांघ में गोली लागल रहे। पहचान होखला के बाद पुलिस के टीम ओकर पीछा करे लागल। पुलिस टीम के देखतही ऊ फायरिंग कs देलें। जवाबी कार्रवाई में पुलिस ओकरा के गोली मार देलस आ गिरफ्तार कs लेलस। जांच जारी बा।’
झारखंड सरकार के निंदा
घटना के बाद भाजपा नेता आ कार्यकर्ता लोग रांची में भाजपा नेता अनिल टाइगर के हत्या के लेके राज्य सरकार के खिलाफ विरोध प्रदर्शन कइल लो आ नारा लगावल लो। राजनीतिक नेता लोग राज्य में बिगड़त कानून बेवस्था के लेके झारखंड के मुख्यमंत्री हेमंत सोरेन के आलोचना कइले बाड़ें। भाजपा विधायक नवीन जायसवाल झारखंड सरकार के निंदा करत कहलें कि जब से झारखंड में मुख्यमंत्री हेमंत सोरेन के सरकार बनल बा, आपराधिक गतिविधि बढ़ गइल बा।
‘हेमंत सोरेन के मुख्यमंत्री पद से इस्तीफा दे देवे के चाहीं’
जायसवाल कहलें, ‘झारखंड में जब से उनकर सरकार बनल बा, आपराधिक गतिविधि बढ़ गइल बा। पुलिस प्रशासन विफल हो गइल बा, काहेकि ऊ जमीन आ कोयला लूटे में व्यस्त बिया आ कानून बेवस्था बना के रखे में असमर्थ बिया। हेमंत सोरेन के मुख्यमंत्री पद से इस्तीफा दे देवे के चाहीं।’
‘योगी मॉडल लागू होखे, तबे अपराध रुकी’
केंद्रीय मंत्री संजय सेठ मुख्यमंत्री हेमंत सोरेन के सरकार पs हमला करत कहलें कि कानून के राज खत्म हो चुकल बा। अपराधियन के खुला छूट बा। सेठ कहलें, ‘पूरा झारखंड अपराधियन के गिरफ्त में बा। कानून के राज खत्म हो चुकल बा। कानून बेवस्था पूरा तरे से ध्वस्त हो चुकल बा। हमनी के सड़कन पs उतरेम आ एह बेईमान सरकार के खिलाफ हल्ला बोलेम सs। ऊ यूपी सरकार के जिकिर करत कहलें कि अपराधी उत्तर प्रदेश छोड़के भाग गइल बाड़ें सs। महिला लोग सुरक्षित बा, बेयपारी सुरक्षित बा। काहे? काहेकि डर बा, योगी मॉडल बा। योगी मॉडल के लागू करीं, तबे अपराध रुकी।
Read Also: UP News: शाहजहांपुर में चार लईकन के हत्या कs के पिता देलस जान, धारदार हथियार से रेता मासूमन के गला
