पटना। नीतीश कुमार मंगर के राज्यपाल के आपन इस्तीफा सउप देलें। एह फैसला के बाद बिहार के राजनीति में जबरदस्त हलचल मच गइल बा। राजनीतिक गलियारा में नया समीकरण बने के चरचा जोर पकड़ लेले बा। सरकार के भविष्य के लेके तरे-तरे के कयास लगावल जा रहल बा।
राज्यपाल से मुलाकात कs के देलें इस्तीफा
मुख्यमंत्री राजभवन पहुंच के राज्यपाल से मुलाकात कइलन आ औपचारिक रूप से आपन इस्तीफा सौंप देलें। जानकारी के मोताबिक, ई फैसला बदलत राजनीतिक हालात के चलते लिहल गइल बा। राज्यपाल उनका से नया सरकार बने तक कार्यवाहक मुख्यमंत्री बनल रहे के कहले बाड़ेंं।
नया गठबंधन के चरचा तेज
इस्तीफा के बाद नया गठबंधन बनावे के चरचा तेज हो गइल बा। कइयन दलन के बीच बातचीत चल रहल बा आ संभावित सहजोगियन से मीटिंग के दौर जारी बा। सत्ता के नया समीकरण बने के पूरा संभावना जतावल जा रहल बा। विपक्ष पूरा नजर बनवले बा।
जनता में बढ़ल उत्सुकता
एह घटनाक्रम के बाद आम जनता में उत्सुकता बढ़ गइल बा। सभे जानल चाहत बा कि अगिला सरकार के गठन कइसे होई। राजनीतिक कार्यकर्ता अब जादे सक्रिय हो गइल बा लोग। सोशल मीडिया पs बहस तेज बा आ हर केहू आपन-आपन राय दे रहल बा।
अब का होई आगे?
सबसे बड़ सवाल बा कि अब अगिला मुख्यमंत्री के बने वाला बा। राजनीतिक दल आपन रणनीति बनावे में जुट गइल बाड़ें आ समर्थन जुटावे के कोसिस जारी बा। राज्यपाल के भूमिका अब बहुते अहम मानल जा रहल बा।
फिलहाल, बिहार के राजनीति एक बेर फेर से गरमा गइल बा आ सबके नजर अगिला डेग पs टिकल बा।
Read Also: Nitish Cabinet : आखिरी बैठक में का भइल? का अब नया सरकारे ली फैसला
