Lok Sabha Phase 3 Voting: तीसरा चरण में 93 सीट प 64.58 फीसदी वोट पड़ल जवना में असम में सबले बेसी 81.71 फीसदी के वोट भइल

लोकसभा चुनाव के तीसरा चरण में 11 राज्य आ केंद्र शासित प्रदेश के 93 सीट प मतदान भइल। जवना में गुजरात के 25, उत्तर प्रदेश के 10, महाराष्ट्र के 11 आ कर्नाटक के 14 सीट शामिल रहे।

लोकसभा चुनाव के तिसरका चरण में मंगल के दिने 11 गो राज्यन आ केंद्र शासित प्रदेशन के 93 सीट प औसतन 64.58 फीसदी मतदान भइल । सबसे बेसी असम में 81.71 फीसदी आ सबले कम उत्तर प्रदेश में 57.34 फीसदी वोट पड़ल । छिटपुट हिंसा के छोड़ के पश्चिम बंगाल में मतदान शांतिपूर्ण रहल बा। चुनाव आयोग के ओर से अंतिम आंकड़ा जारी नइखे होखला के चलते मतदान के प्रतिशत में अभी तक बदलाव के उम्मेद बा।

तीसरा चरण में 280 सीट प मतदान के संगे लोकसभा के आधा से जादे सीट प चुनाव पूरा हो गइल। एही बीच पश्चिम बंगाल में फेर से हिंसा के घटना सोझा आइल। अधिकांश घटना मुर्शिदाबाद आ जंगीपुर में भइल। दुनो इलाका में सत्ताधारी तृणमूल कांग्रेस, भाजपा आ कांग्रेस के कार्यकर्ता के बीच झड़प हो गइल। तीनों दल चुनावी हिंसा के लेके शिकायत दर्ज़ करवले बाड़े।

64.40 % approximate voter turnout was recorded yesterday till 11.40 pm in Phase 3 of #LokSabhaElections2024 , as per the Election Commission of India. pic.twitter.com/mlDMQVmJ5M

— ANI (@ANI) May 7, 2024

दिग्गजन के किस्मत ईवीएम में कैद हो जाला 

एह चरण में ईवीएम में केंद्रीय गृहमंत्री अमित शाह समेत बहुते केंद्रीय मंत्रियन के किस्मत प मुहर लगा दिहल गइल बा । शाह गांधीनगर से चुनाव लड़त बाड़न । गुना से केंद्रीय मंत्री ज्योतिरादित्य सिंधिया, पोरबंदर से मनसुख मंडविया, राजकोट से पुरुषोत्तम रूपाला, धारवाड से प्रहलाद जोशी आ आगरा से एसपी सिंह बघेल मैदान में बाड़े। मध्य प्रदेश के सीएम रहल शिवराज चौहान विदिशा से, दिग्विजय सिंह राजगढ़ से, राकांपा नेता सुप्रिया सुले बारामती से उम्मीदवार बाड़ी ।

गांधीनगर में पीएम मोदी वोट दिहले

गांधीनगर में प्रधानमंत्री नरेंद्र मोदी आ मंगल के दिने अहमदाबाद में गृहमंत्री अमित शाह आपन वोट दिहलन । कर्नाटक में सबसे पहिले वोट देवे वाला लोग में केंद्रीय मंत्री प्रल्हाद जोशी आ राज्य मंत्री प्रियंक खर्गे शामिल रहले। महाराष्ट्र में उपमुख्यमंत्री अजीत पवार अपना पत्नी सुनेत्र पवार के संगे बारामती से एनडीए के उम्मीदवार मतदान कइले। राकांपा के दूसर गुट अध्यक्ष शरद पवार भी बारामती के मालेगांव में मतदान कइले। असम में बरपेटा सीट के अमिंगाव में सीएम हिमंत विश्व सरमा अपना पत्नी रिनिकी भुइयां आ बेटी सुकन्या का साथे आपन वोट दिहली ।

मतदान दल के वापस ले आवे वाली बस बेतुल में जरि के राख हो गइल

तीसरा चरण के मतदान पूरा होखला के बाद मंगलवार के रात बेतुल के 6 मतदान केंद्र से मतदान सामग्री आ कर्मचारी के लेके लवटत बस में आग लाग गइल। आग लगला में बस पूरा तरह से तबाह हो गइल। दुर्घटना में सभ कर्मचारी सुरक्षित बाड़े। मतदान सामग्री के आंशिक नुकसान के खबर बा। हालांकि मतदान सामग्री के लेके स्थिति अभी तक साफ नइखे भइल। चुनावी कर्मचारी आ ईवीएम ले आवे खातीर मौका प एगो अउरी बस बोलावल गइल। साईखेड़ा थाना क्षेत्र के बिसनूर आ पौनी गौला गांव के बीच भइल ए दुर्घटना। बस चालक जरत बस से कूद गइल, जबकि कर्मचारी मुश्किल से जान लेके भाग गइले। सूचना मिलते बेतुल के अधिकारी आ पुलिस मौका प पहुंच गइले। बेतुल, मुलताई आ आथनेर से फायर ब्रिगेड के बोला के आग पर काबू पा लिहल गइल ।

8179400cookie-checkLok Sabha Phase 3 Voting: तीसरा चरण में 93 सीट प 64.58 फीसदी वोट पड़ल जवना में असम में सबले बेसी 81.71 फीसदी के वोट भइलno