तेल अवीव : ईरान अब इजरायल पs भारी जवाबी हमला कs रहल बा। ईरान इजरायल पs भारी मिसाइल हमला कs रहल बा. तेल अवीव आ बीर्शेबा समेत 4 गो शहर ईरान के निशाना पs बा. ईरान के मिसाइल दक्षिण इजरायल के बीर्शेबा शहर के एगो अस्पताल पs गिर गइल बा. एकरा अलावे ईरान रमत गन अवुरी होलोन प भी हमला कईले बा। सबसे जादा तबाही तेल अवीव में देखाई देता। ईरान के मिसाइल हमला में ऊँच इमारतन के सबले बेसी नुकसान हो रहल बा. बतावल जा रहल बा कि तेल अवीव के अलग अलग इलाका में 7 गो ईरानी मिसाइल गिरल बाड़ी सँ. इहो खबर बा कि ईरान इजरायल के शेयर बाजार के भी निशाना बना के ओकरा के नुकसान पहुंचवले बा।
नेतन्याहू कवन चेतावनी देले?
एकरा संगे-संगे इजरायली अस्पताल अवुरी बाकी इलाकन प ईरान के ताजा हमला के बाद प्रधानमंत्री बेंजामिन नेतन्याहू कड़ा चेतावनी देले बाड़े। नेतन्याहू सोशल मीडिया पर लिखले बाड़न कि ईरान के आतंकी तानाशाह (आयातुल्लाह अली खामेनी) के सैनिक सरोका अस्पताल आ नागरिक आबादी पर मिसाइल चला दिहले बाड़न. अब एकर पूरा दाम ओह लोग के देबे के पड़ी.
ईरान के परमाणु रिएक्टर पs हमला
एही बीच इजरायल ईरान के अराक भारी पानी के रिएक्टर पs हमला कईलस। ईरान के विशाल परमाणु कार्यक्रम पd इs हमला संघर्ष के 7वां दिन भईल रहे| सात दिन पहिले इजरायल ईरान के सैन्य स्थल, वरिष्ठ अधिकारी आ परमाणु वैज्ञानिकन के निशाना बना के अचानक हमला कइले रहुवे जवना से ई टकराव शुरू हो गइल. ईरान इजरायल पर सैकड़न मिसाइल आ ड्रोन चला दिहलसि बाकिर अधिकतर मिसाइल इजरायल के वायु रक्षा प्रणाली से गिरावल गइल.
इहो पढ़ीं: इजरायल कs दिहलस बड़ हमला, ईरान के अराक भारी जल रिएक्टर पs बरसवलस बम
