जवना जगह पs अक्सर सड़क दुर्घटना होखेला, ओकरा के तकनीकी भाषा में ब्लैक स्पॉट कहल जाला। एह इलाका के लोग बिहार के बेगूसराय आ समस्तीपुर के जोड़े वाला स्टेट हाईवे-55 के बसौना मोड़ के जिला के भूतिया जगह मानेला। एह राजमार्ग पर अइसन बहुते दुर्घटना होला जवन असामान्य होला। एकरा बारे में कुछ लोग के कहनाम बा कि इहाँ एगो अदृश्य शक्ति निवास करेले, उहे काम करत बाड़ी। जबकि कुछ लोग के मानना बा कि ई सड़क शापित बा ।
एह राजमार्ग के दुनो ओर जंगल बा आ बुढ़ी गंडक नदी 100 मीटर के दूरी पर बहेले। श्मशान घाट बा आ तटबंध पर माँ काली के मंदिर भी बा। मानल जाता कि जदी गांव के लोग ए शापित जगह पs बरगद के पेड़ के नीचे पूजा करतारे तs फेर कवनो दुर्घटना ना होखेला आ अइसन ना कइला पs दुर्घटना हो जाला।
स्थानीय लोग भूत-प्रेत के मौजूदगी में विश्वास करेला स्थानीय मान्यता के अनुसार बसौना मोड के जिला के सबसे भूतिया जगह में से एगो मानल जाला। कहल जाला कि जे ई कहानी जानत बा, ऊ साँझ सात बजे का बाद एह शापित सड़क से ना गुजरे । स्थानीय तितली देवी के मानना बा कि इहाँ रोज होखेवाला सड़क दुर्घटना भूत-प्रेत के चलते होखेला। शंभू यादव बतवले कि इहाँ रोज सड़क दुर्घटना होखेला आ लोग रोज जान गंवावेले। लोग कहत बा कि विश्वास होखे भा ना होखे, एहिजा भूत-प्रेत के कुछ तत्व जरूर बा जबकि अंकू कुमार बतवले कि इ एगो रहस्यमयी जगह हs। इहाँ बेल के पेड़ बा, जहां लोग के लाश मिलेला।
