गोरखपुर लिटरेरी फेस्टिवल में सामिल होइहें पद्म श्री सम्मान से साम्मानित गायिका मालिनी अवस्थी

गोरखपुर: गोरखपुर के साहित्य के सबसे बड़ आ अनूठा आयोजन गोरखपुर लिटरेरी फेस्टिवल के एह साल के आयोजन 7-8 जनवरी के होटल विवेक उत्सव लॉन, बैंक रोड, एसबीआई मेन ब्रांच के सोझा, गोरखपुर में होई। बता दीं की एह साल के आयोजन में देस के ख्याति प्राप्त साहित्यकार आ कलाकार लोगन के मवजूदगी रही। एह कड़ी में एगो नाम पद्म श्री से सम्मानित मालिनी अवस्थी के बा, आई जानल जाव इहां के बारे में…

अवधी, बुंदेलखंडी आ भोजपुरी के चर्चित गायिका हई पद्म श्री से सम्मानित मालिनी अवस्थी 

पद्म श्री सम्मान से सम्मानित मालिनी अवस्थी एगो भारतीय लोक गायिका हई। ऊ अवधी, बुंदेलखंड आ भोजपुरी जइसन भाषा में गावे खातिर जानल जाली। एकरा साथे उनकर ठुमरी आ कजरी के प्रस्तुति लोगन द्वारा बहुते पसन कइल जाला। साल 2016 में पद्म श्री के नागरिक सम्मान से सम्मानित कइल गइल बा। संगीत के संगे-संगे साहित्यों में उनकर गहिराह रुचि बा।

मालिनी अवस्थी के जन्म उत्तरप्रदेश के कन्नौज में 11 फरवरी 1967 में भइल रहे। ऊ भटकखंड विश्वविद्यालय, लखनऊ से हिंदुस्तान शास्त्रीय संगीत में स्नातकोत्तर बाड़ी। ऊ बनारस घराना के पद्म विभूषण विदुशी गिरिजा देवी, पौराणिक हिंदुस्तान शास्त्रीय गायक के शिष्या हई। उनकर शादी वरिष्ठ आईएएस अधिकारी अवनीश अवस्थी भइल बा। ऊ अखिल भारतीय रेडियो के एगो लोकप्रिय ए ग्रेड कलाकार हई। ऊ अमेरिका, इंग्लैंड, फिजी, मॉरीशस आ हॉलैंड देस के यात्रा करत रहेली आ देसभर के बड़ आयोजनन में सामिल होत रहेली। मालिनी अवस्थी के पद्मश्री (2016), सहारा अवध सम्मान (2003), यश भारती यूपी सरकार 2006 , नारी गौरव 2000 आ कालिदास सम्मान 2014 से सम्मानित कइल जा चुकल बा।

4233730cookie-checkगोरखपुर लिटरेरी फेस्टिवल में सामिल होइहें पद्म श्री सम्मान से साम्मानित गायिका मालिनी अवस्थीno