महिला बचपन से लेके जवानी तक अवुरी महतारी बने से लेके मेनोपॉज तक जीवन में बहुत बदलाव से गुजरेले। योग आपके जीवन में आवे वाला ए सभ बदलाव अवुरी चुनौती से निपटे में मदद करेला।
हम रउआ लोग के बतावत बानी कि अइसन 5 गो योगासन के बारे में, जवन हर महिला के स्वस्थ अवुरी सुंदर देखाई देवे खातीर जरूर करे के चाही।
महिला मल्टीटास्कर हई। एके साथे कई गो जिम्मेदारी के सहजता से संभालेली। लेकिन जब बात अपना सेहत के होखेला त फेर उ लापरवाह हो जाली। जबकि स्वस्थ जीवनशैली बनावे राखे खातिर कुछ गतिविधि जरूरी बा। इहाँ कुछ आसन दिहल बा जवन आपके पूरा शरीर के काम करी अवुरी आपके ऊर्जा से भरल महसूस करी।
वृक्षासन
इ आसन तंत्रिका तंत्र के शांत अवुरी आराम देवेला अवुरी गोड़ के मजबूत करेला। अगर आप साइटिका के दर्द से परेशान बानी त इ आपके खातीर सबसे निमन आसन हो सकता।
विधि
~एकरा खातिर सीधा खड़ा हो जाईं।
~ दाहिना घुटना के झुका के दाहिना गोड़ बाईं जांघ पे रखीं।
~ बाईं गोड़ के सीधा राख के संतुलन बना के राखीं।
~ फिर हाथ के माथा से ऊपर उठा के सलामी मुद्रा बनाईं।
~ सीधा आगे देखल जाव आ रीढ़ के हड्डी के सीधा राखीं।
~साँस छोड़त घरी धीरे-धीरे हाथ नीचे ले आवल जाव।
~ धीरे-धीरे दाहिना गोड़ के सीधा करीं।
~ दूसरा गोड़ से मुद्रा दोहरावे के चाहीं।
परिव्रत सुखासन
इ रीढ़, कंधा अवुरी छाती में लचीलापन बढ़ावेला, पेट के समस्या से राहत देवेला अवुरी कूल्ह, घुटना अवुरी टखने के मांसपेशी के खिंचाव करेला।
विधि
~ दुनु गोड़ मोड़ के सुखासन में बइठ जा।
~ रीढ़ के हड्डी के बहुत सीधा राखे के चाही।
~अब शरीर के ऊपरी हिस्सा अवुरी सिर के दाहिना ओर घुमाईं।
~ बायां हाथ के दाहिना गोड़ के घुटना पे रखीं।
~ दाहिना हाथ सीधा जमीन पे रखे के चाहीं।
~कुछ समय ले रउआ एह रूपांतरित सुखासन के अवस्था में रहनी।
~ एकरा बाद बाईं ओर से ई आसन करीं।
बद्धकोणासन
इ खून के संचार में सुधार करेला, घुटना के मांसपेशी के मजबूत करेला अवुरी श्रोणि अवुरी जांघ खाती निमन होखेला।
विधि
~ एकरा खातिर जमीन पे चटाई पे बईठे के चाही।
~ घुटना से दुनो गोड़ के अईसन मोड़ लीं कि दुनो तलवा एक दूसरा के छूवे।
~ अब दुनु तलवा के दुनु हाथ से पकड़ लीं।
~अब एगो लम्बा साँस लेके गोड़ के तितली निहन ऊपर नीचे घुमाईं।
~धीरे-धीरे अपना सुविधा के मुताबिक गति बढ़ाईं।
