कांग्रेस सूत्र के हवाला से जानकारी मिलल बा कि राहुल गांधी अयोध्या जाके राम लल्ला के दर्शन क सकेले। हालांकि कवना दिन उ अयोध्या पहुंचिहे आ राम मंदिर में नमन करीहे, एकरा बारे में कवनो स्पष्टता नइखे।
अमेठी के चुनावी लड़ाई में घुसे से पहिले कांग्रेस नेता राहुल गांधी अयोध्या जाके राम लल्ला के दर्शन क सकेले। राहुल के वायनाद के बाद अमेठी से चुनाव लड़े के कड़ा चर्चा के बीच इ जानकारी सोझा आइल बा। कांग्रेस सूत्र के हवाला से जानकारी मिलल बा कि राहुल गांधी अयोध्या जाके राम लल्ला के दर्शन क सकेले। हालांकि कवना दिन उ अयोध्या पहुंचिहे आ राम मंदिर में नमन करीहे, एकरा बारे में कवनो स्पष्टता नइखे।
कांग्रेस सूत्र बतावत बाड़े कि राहुल गांधी के संगे उनकर बहिन प्रियंका गांधी भी रामलाला के देखे जइहे। असल में सूत्र के हवाला से जानकारी बा कि राहुल गांधी अमेठी से चुनाव लड़ सकेलें । ए मामला में पार्टी के ओर से स्थानीय स्तर प भी तैयारी तेज कइल गइल बा। बतावल जाता कि राहुल गांधी आ मल्लिकार्जुन खर्गे के बीच भी बातचीत चलता। काल्ह वायनाड में वोट डालला का बाद राहुल के नाम के एलान कइल जा सकेला । सूत्रन के हवाला से ई बात कहल जा रहल बा ।
एकरा से पहिले अमेठी लोकसभा क्षेत्र से केंद्रीय मंत्री आ भारतीय जनता पार्टी के उम्मीदवार स्मृति ईरानी सोमवार के दावा कइले रहली कि 26 अप्रैल के वायनाद में भइल मतदान के बाद राहुल गांधी अमेठी अइहे। स्मृति कहली कि राहुल जातिवाद के नाम प लोग के बंटवारा के संगे-संगे मंदिर से मंदिर में जाइहे।
