पटना : प्रदेश के 358 प्रखंडन में डिग्री कॉलेज खोले खातिर कार्रवाई तेज हो गइल बा। एकरा तहत काॅलेजन खातिर जमीन के बेवस्था के कार्यवाही सुरू हो गइल बा।
प्रदेश में डिग्री कॉलेज विहीन प्रखंडन में डिग्री कॉलेज खोले के राज्य सरकार के योजना बा। एकर घोषणा बिहार सरकार विधान मंडल के बजट सत्र में कइले रहे।
घोषणा के आलोक में शिक्षा विभाग एह पs अमल सुरू कs दिहल बा। एकरा तहत संबंधित जिलाधिकारियन के डिग्री काॅलेज खोले खातिर जमीन चिह्नित करे के निरदेस दिहल गइल बा। जमीन चिन्हित करे खातिर एकरा से संबंधित रिपोर्ट शिक्षा विभाग जिलाधिकारियन से तलब कइले रहस।
विभागीय कार्रवाई के जायजा लिहल गइल
उच्च शिक्षा निदेशालय के एगो अधिकारी बतवलस कि शिक्षा मंत्री सुनील कुमार के ओर से कइल गइल समीक्षा बैठक में डिग्री कॉलेज विहीन प्रखंडन में डिग्री महाविद्यालय खोले के योजना के कार्यान्वयन के दिसा में चल रहल विभागीय कार्रवाई के जायजा लिहल गइल।
एकरा तहत एह इस्थिति पs ध्यान दिहल गइल कि केतना प्रखंडन में अब तक डिग्री काॅलेज खातिर जमीन चिन्हित भइल बा। केतना प्रखंडन में ई काम कवना चरण में बा?
