देहरादून। भारतीय निशानेबाजी के दिग्गज खिलाड़ी आ कोच जसपाल राणा के माई के स्वास्थ्य खराब होखला के चलते अस्पताल में भर्ती करावल गइल बा। उनकर इलाज दिल्ली के एगो अस्पताल में चल रहल बा।
कुछ दिन पहिले आपन बेटा जसपाल राणा के खोवला के सदमा में उनकर तबीयत बिगड़ गइल रहे। हालांकि, कुछ समय पहिले जसपाल राणा के निधन के अफवाहो फइल गइल रहे, जवना के बाद इस्थिति आउर गंभीर हो गइल रहे।
बेटा के निधन के बाद बिगड़ल तबीयत
बतावल जा रहल बा कि 12 जून के जसपाल राणा के निधन के खबर सामने अइला के बाद उनकर माई के स्वास्थ्य आउर खराब हो गइल। फिलहाल डॉक्टरन के निगरानी में उनकर इलाज चल रहल बा। उत्तराखंड के टिहरी जिला के चिलामू गांव निवासी जसपाल राणा भारत के पिस्टल निशानेबाजी के क्षेत्र में एगो बड़ नाम रहलें। ऊ भारतीय निशानेबाजन खातिर हाई-परफॉर्मेंस कोच के रूप में काम करत रहलें।
जसपाल राणा के भइल रहे स्वास्थ्य समस्या
म्यूनिख में आयोजित आईएसएसएफ विश्व कप से भारत लवटत घरी जसपाल राणा के तबीयत खराब भइल रहे। उनका सीना में दरद के शिकायत भइल रहे, जवना के बाद दिल्ली के अस्पताल में उनकर स्टेंट सर्जरी कइल गइल रहे। सर्जरी के बाद ऊ धीरे-धीरे ठीक होत रहलें, बाकिर अचानक उनकर निधन के खबर सामने आ गइल।
18 साल के उमिर में बनवले रहस विश्व रिकॉर्ड
जसपाल राणा अपना सानदार निशानेबाजी खातिर पूरा दुनिया में मशहूर रहलें। महज 18 साल के उमिर में विश्व रिकॉर्ड बना के ऊ खेल जगत के चउका देले रहलें। ऊ राष्ट्रमंडल खेल आ एशियाई खेल में भारत के गौरव बढ़वले रहलें आ देस खातिर कइयन गो उपलब्धि हासिल कइले रहलें। भारतीय निशानेबाजी में उनकर जोगदान हमेसा इयाद रखल जाई।
