अयोध्या के राम मंदिर के निर्माण के काम तेजी से पूरा हो रहल बा। 22 जनवरी 2024 के मंदिर के अभयारण्य में रामलला के मूर्ति के अभिषेक कईल जाई। ओने हालही में खबर आइल कि उत्तर प्रदेश के मुख्यमंत्री योगी आदित्यनाथ आ अयोध्या के राम मंदिर पs बम विस्फोट के धमकी दिहल गइल बा। मामिला के गंभीरता के ध्यान में राखत यूपी एसटीएफ के टीम ए मामिला में दु आरोपी के गिरफ्तार कs लेले बिया।
दुनु आरोपी गोंडा के हउवें
सीएम योगी आ अयोध्या के राम मंदिर के बम से उड़ावे के धमकी देबे वाला दू गो आरोपियन के राजधानी लखनऊ के गोमती नगर के विभूति खंड इलाका से बुध के साँझ यूपी एसटीएफ गिरफ्तार कs लिहलस। आरोपी के नाम ताहर सिंह अवुरी ओमप्रकाश मिश्रा हs अवुरी दुनो राज्य के गोंडा जिला के निवासी हवे। गिरफ्तार आरोपी पूछताछ में बतवले कि उ लोग पैरामेडिकल इंस्टीट्यूट में काम करेले।
एही तरे धमकी के योजना बनावल गईल रहे
यूपी एसटीएफ बतवलस की @iDevendraOffice नामक X हैंडल से नवंबर में सोशल मीडिया पs एगो पोस्ट में मुख्यमंत्री योगी आदित्यनाथ, एसटीएफ के प्रमुख अमिताभ यश आ अयोध्या के राम मंदिर के बम से उडावे के धमकी दिहल गईल रहे। प्रारंभिक जांच में पता चलल कि धमकी देवे खातिर alamansarikhan608@gmail.com आ zubairkhanisi199@gmail.com नाम के मेल आईडी के इस्तेमाल कईल गईल। तकनीकी विश्लेषण के बाद ताहर सिंह इs ईमेल आईडी बनवले अवुरी ओम प्रकाश धमकी देवे वाला मैसेज भेजले। एसटीएफ मामिला के जांच करतिया।
साभार- इंडिया tv
Comments are closed.