यूपी के लखनऊ से एगो बड़ खबर बा। इहाँ गैंगरेप के मुख्य आरोपी के पुलिस गोली मार देले बिया। आरोपी के लगे से एगो पिस्तौल अवुरी कारतूस भी बरामद भईल बा। एs दौरान आरोपी के साथी के भी गिरफ्तार कs लिहल गईल बा।
पूरा बात का बा?
दु दिन पहिले लखनऊ के गोसाईगंज थाना क्षेत्र के एगो गांव में एगो मानसिक रूप से मंद लईकी के संगे सामूहिक बलात्कार के मामला सोझा आईल रहे। एह मामिला के मुख्य आरोपी के पुलिस से मुठभेड़ हो गइल बा. मुख्य आरोपी अवुरी ओकर साथी मोहनलालगंज के पचौरी जंगल में लुकाईल रहे के सूचना मिलला के बाद पुलिस घेराबंदी कs देले बिया।
मुख्य आरोपी अवुरी उनुकर साथी अपना के घेरले देख के पुलिस टीम पs भी गोलीबारी कईले। पुलिस टीम के ओर से जवाबी गोलीबारी में आजमगढ़ निवासी मुख्य आरोपी संदीप यादव के गोड़ में गोली लाग गईल। मौका से भागत सहभागी मायाराम रावत (सेमनापुर थाना गोसाईंगंज निवासी) के भी गिरफ्तार कs लिहल गईल बा।
इहो पढ़ीं: सबेरे-सबेरे: रोज करीं इs 4 गो योगासन, आंख के puffiness होई दूर
