यूपी बोर्ड के इंटरमीडिएट के अंग्रेजी विषय के पेपर लीक होखले के मामले में बलिया के डीआईओएस यानी जिला विद्यालय निरीक्षक बृजेश कुमार मिश्र के पुलिस हिरासत में ले लेहले बिया. पुलिस उनके पूछताछ खातिर कौनो अज्ञात जगही पs ले गइल.
पेपर लीक मामले के मुख्यमंत्री योगी आदित्यनाथ गंभीरता से लेहले बानें। ऊ बलिया के डीआईओएस बृजेश कुमार मिश्र के तत्काल प्रभाव से निलंबित कs देहनें। एकरे अलावा, एसटीएफ के मामला के जांच के आदेश देहले बानें. ऊ दोषियन पर एनएसए यानी रासुका के कार्रवाई कइले के निर्देश देहले बानें।
ए 24 जिला में निरस्त भइल परीक्षा
बता देईं कि 24 जिलों में इंटरमीडिएट की अंग्रेजी विषय के पेपर लीक होखले के कारण दूसरकी पाली के परीक्षा निरस्त कs देहल गइल. एह 24 जिला में बलिया, एटा, बागपत, बदायूं, आगरा, वाराणसी, मैनपुरी, मथुरा, अंबेडकरनगर, गोरखपुर, सीतापुर, कानपुर देहात, ललितपुर, चित्रकूट, प्रतापगढ़, गोंडा, आजमगढ़, अलीगढ़, गाजियाबाद, शामली, शाहजहांपुर, उन्नाव, जालौन अउर महोबा शामिल बा।
13 अप्रैल के होई अंग्रेजी के परीक्षा
यूपी बोर्ड के इंटरमीडिएट के अंग्रेजी विषय के परीक्षा अब 13 अप्रैल के आयोजित कइल जाई।
