साँढा आ बाजार समिति फीडर में दु घंटा के पावर कट : मरम्मती के लेके विभाग लेलस निर्णय, दुपहरिया 12 बजे के बाद होई सप्लाई

छपरा शहरी क्षेत्र के अलग अलग फीडरन में बिजली कट कइल जाए के बा। जवना के लेके बिजली विभाग कावर से सूचना जारी कइल गइल बा। प्राप्त जानकरी के मोताबिक चार मार्च के शहरी क्षेत्र के हाउसिंग कॉलोनी के साँढा फीडर में सबेरे 10 बजे से 12 बजे तक पावर कट कइल जाये के बा। जवना से साँढा आ आसपास के सब क्षेत्रन में 2 घण्टा खातिर बिजली गुल रही।

33/11केवीए फीडर में मरम्मती कार्य के लेके ई पावर कट लिहल गइल बा। संगही 33/11 विद्युत बाज़ार समिति फीडर में 10 बजे से लेके 12 बजे तक पावर कट कइल जाई। जवना से बाज़ार समिति आ आसपास के क्षेत्र में बिजली गुल रही। बिजली विभाग कावर से आम जनता से ओह समय से पहिले उपभोक्तन के जरूरी काम निपटा लेवे के सलाह दिहल गइल बा।

जरूरी काम निपटा लेवे के अपील

जवना से उपभोक्ता के परेसानी के सामना ना करे के पड़े। कनीय विद्युत अभियंता विद्युत आपूर्ति प्रशाखा कावर से बतावल गइल कि आवे वाला गर्मी में बिजली जादे खपत होखे के चलते मशीन आ तार पs असर पड़े के लेके पहिले से मरम्मती कइल जा रहल बा।

जवना के लेके आवश्यकता के अनुसार पावर कट के अवधी में फीडर में मशीन आ तार के मरम्मत कइल जा रहल बा। जवना से भविष्य में कवनो परेसानी ना हो सके। निश्चित अवधि के बाद क्षेत्रन में दोबारा से बिजली बहाल कs दिहल जाई।

7557300cookie-checkसाँढा आ बाजार समिति फीडर में दु घंटा के पावर कट : मरम्मती के लेके विभाग लेलस निर्णय, दुपहरिया 12 बजे के बाद होई सप्लाईno