टीवी अभिनेत्री पवित्रा जयराम के निधन के पांच दिन बाद दक्षिण टीवी इंडस्ट्री से एगो अवुरी दुखद खबर सामने आईल बा। खबर बा कि चंद्रकांत जेकरा के प्यार से चंदू कहल जात रहे। उs आत्महत्या कs लेले बाड़े। ई खबर हैदराबाद में भइल एगो दुखद कार दुर्घटना में उनकर शो ‘त्रिनयनी’ के सह-कलाकार पवित्रा जयराम के जान गँवा दिहला के बाद आइल बा. दक्षिण के अभिनेता चंडू के मणिकोंडा में अपना घर में संदिग्ध हालात में मृत मिलल। तेलुगु अभिनेता चंदू के अचानक निधन उनुका प्रशंसकन आ मनोरंजन जगत के लोग खातिर बहुते बड़हन झटका लागल बा.
दक्षिण के अभिनेता चंदू आत्महत्या कs लिहले
अभिनेता चंदू उर्फ चंद्रकांत जे अपना शानदार अभिनय के चलते मशहूर रहले। टेलीविजन जगत के मशहूर कलाकारन के सूची में उनुका के शामिल कइल गइल. एतने ना, साउथ में उनुकर बहुत बड़ फैन फॉलोइंग रहे। अपना करीबी दोस्त आ सह कलाकार पवित्रा जयराम के कार दुर्घटना में मउत के कुछ दिन बाद अभिनेता चंदू आत्महत्या कs लिहले. बता दीं कि रंगारेड्डी जिला के नरसिंह थाना क्षेत्र में आवे वाला अलकापुर में अपना घर में चंद्रकांत संदिग्ध परिस्थिति में मृत मिलल बाड़े।
अभिनेता चंद्रकांत संदिग्ध हालत में मिलले
टीओआई के मुताबिक जब चंदू बार-बार फोन के जवाब ना देले तs उनुकर परिवार के लोग उनुका कमरा के दरवाजा तूड़ देले। एतने ना पुलिस के अभिनेता के सुसाइड नोट भी मिलल बा। बता दीं कि चंद्रकांत के आत्महत्या से कुछ दिन पहिले पवित्र जयराम के कार दुर्घटना में मउत हो गईल रहे, जेकरा बाद उs पवित्रा के अपना इंस्टाग्राम अकाउंट पs श्रद्धांजलि देले। अब एह अभिनेता के अचानक निधन से सभे चौंक गइल बा आ सोशल मीडिया पs सभे उनुका के श्रद्धांजलि दे रहल बा.
