Home » सांझ के 10 बड़ खबर

सांझ के 10 बड़ खबर

Published on: Aug 14, 2023

बिहार: सीवान में फिल्मी स्टाइल में 70 लाख के लूट: कट्टा लेके एकहs गो कs के शॉप में घुसलें सs 7 बदमाश; ग्राहकन से कइलें सs लूटपाट। 900 ग्राम सोना के जेवर आ 25 किलो

बिहार: सीवान में फिल्मी स्टाइल में 70 लाख के लूट: कट्टा लेके एकहs गो कs के शॉप में घुसलें सs 7 बदमाश; ग्राहकन से कइलें सs लूटपाट। 900 ग्राम सोना के जेवर आ 25 किलो चांदी के जेवर आउर 3 लाख 63 हजार रुपिया कैश लुटलें सs।
बिहार: बिहार में बाबूअन के करामात, घर में खोललें सs रजिस्ट्री ऑफिस; निजी मकान में चलत रहे कार्यालय, तीन गिरफ्तार, जमीन से जुड़ल कइयन कागजात बरामद। ग्रामीणन से कइल जात रहे वसूली।
उत्तर प्रदेश: सावन 2023, गोरखपुर में सीएम योगी कइलें रुद्राभिषेक, सब नागरिकन खातिर सुख आ समृद्धि के प्राथना कइलें।
उत्तर प्रदेश: अंसारी परिवार के मुस्किल बढ़ल; मुख्तार के पत्नी आ बेटा समेत 6 पs FIR, पीड़ित 11 साल बाद शिकायत कइलस। तमंचा के बल पs कीमती जमीन मऊ विधायक अब्बास अंसारी के नावे करावे के बा ममिला।
झारखंड: रांची विश्वविद्यालय निकललस हर घर तिरंगा प्रभातफेरी; राज्यपाल सह कुलाधिपति सीपी राधाकृष्णन रैली के कइलें रवाना, कहलें- भारत एक रहे, एक बा आ हमनी के एक रहेम सs।
ऋषिकेश में लैंडस्लाइड, रिसॉर्ट पs मलबा गिरल, 5 लापता: बद्रीनाथ-केदारनाथ हाईवे बंद; टिहरी में टनल में पानी भरल, 114 लोगन के सुरक्षित निकालल गइल।
15 महीना के टॉप पs पहुंचल फुटकर महंगाई: जुलाई में बढ़के 7.44% भइल, ई RBI के तय सीमा से जादे; वजह महंगा सब्जी। महंगाई के लेके चिंता आ अनिश्चितता बरकरार।
चंद्रमा के आउर करीब पहुंचल चंद्रयान-3: अब ओकर चंद्रमा से दूरी खाली 150 किमी, लैंडिंग 23 अगस्त के होई। 5 अगस्त के चंद्रमा के कक्ष में पहुंचल रहे यान।
पाक टीवी चैनल 11 लोगन के ना दिखा सकिहें सs: एमे कुछ रिटायर्ड फौजी अफसर सामिल, कुछ इमरान के पार्टी के भगोड़ा नेता; सिंध हाईकोर्ट के फैसला के दिहल गइल बा हवाला।
प्रोफाइल फोटो बदलला पs बीसीसीआई के ब्लू टिक हटल: सोसल मीडिया प्लेटफार्म ‘एक्स’ पs बोर्ड तिरंगा लगवलस; इंस्टाग्राम-फेसबुक पs टिक बरकरार।