सांझ के 10 बड़ खबर

By Anurag Ranjan On Aug 3, 2023

बिहार: पीटके रंगदारी मांगे वाला राजद विधायक इजहार अस्फी के बेटा गुड्डू अस्फी पs FIR; किशनगंज में ठेकेदार के संगे बीच सड़क पs कइले रहे मारपीट; बीजेपी बोलल- जंगलराज पार्ट-2। 30 जुलाई के नाला के निर्माण के दौरान भइल रहे मारपीट।
बिहार: मुज्जफरपुर के चर्चित प्रॉपर्टी डीलर आशुतोष शाही हत्याकांड में मंटू शर्मा सहित दु गिरफ्तार; पटना में पढ़ाई के दौरान बनल अपराधी, 17 साल के उमिर में AK-47 चलावल सिखले रहे। बेर- बेर बदलत रहे सिम। तमिलनाडु के रामेश्वरम से कइल गइल गिरफ्तार।
उत्तर प्रदेश: ज्ञानवापी के सर्वे के खिलाफ मुस्लिम पक्ष सुप्रीम कोर्ट पहुंचल; हाईकोर्ट आदेस में कहलस- न्याय खातिर सर्वे जरूरी; बौद्ध पक्ष के भइल एंट्री। इलाहाबाद हाईकोर्ट देले बा सर्वे के इजाजत। सुप्रीम कोर्ट हाइकोर्ट के आदेस ना रोकलस तs सुक से होई सर्वे।
उत्तर प्रदेश: आईपीएस प्रभाकर चौधरी के ट्रांसफर पs पिता के छलकल दरद; बोललें- हमरा बेटा के ईमानदारी के बदला में मिलल ट्रांसफर, हम 40 साल से बीजेपी से जुड़ल रहनी, अब छोड़ देम। बेटा एक्शन ना लेते तs मर जाइत 25-30 लोग।
झारखंड: झारखंड में जाति आधारित जनगणना के लेके सुगबुगाहट तेज; सरकार विधानसभा में पेश कs सकत बिया, आरक्षण सहित कइयन नीतियन के मिली लाभ।
मणिपुर में झड़प, 20 मैतई महिला घायल: कुकी इलाका में घुसल चाहत रहे लो, सुरक्षाबल आंसू गैस के गोला दगलस, जवाब में पथराव भइल। इंफाल में भीड़ हथियार लूटलस।
लोकसभा में अमित शाह बोललें- गठबंधन ना, दिल्ली खातिर सोचे विपक्ष: कहलें- केन्द्र के दिल्ली पs बिल बनावे के अधिकार; राज्यसभा से विपक्ष के वॉकआउट।
लैपटॉप, टैबलेट आ पीसी के इंपोर्ट पs सरकार के रोक: मेक इन इंडिया प्रोग्राम आ लोकल मैन्युफैक्चरिंग के बढ़ावा मिले के उम्मीद। बैगेज में एह आइटम्स के ले जाये पs प्रतिबंध ना।
पाकिस्तान-अमेरिका साइन कइलस सिक्योरिटी पैक्ट: रिपोर्ट के दावा- यूएस से फेर हथियार किन सकी पाकिस्तान; जॉइंट मिलिट्री डिल सुरू हो सकेला। अमेरिकी सेंट्रल कमांड चीफ से मिलल रहस पाक आर्मी चीफ।
भारत आज 200 वां टी-20 मुकाबला खेली, मुकाबला वेस्टइंडीज से: यशस्वी-तिलक के मिल सकत बा डेब्यू कैप, आवेश के लगे वापसी के मवका। मनोज तिवारी के क्रिकेट सब फॉर्मेट से सन्यास के घोषणा: धोनी के कप्तानी में कइले रहस इंटरनेंशनल डेब्यू; लिखलें- ‘गुडबाय टू द गेम’।