- बिहार: बिहार में 2 जगहन पs ताजिया जुलूस के दौरान झड़प; भागलपुर में बम ब्लास्ट… लईकी घायल, गया में भइल पत्थरबाजी में इंस्पेकटर के माथा फुटल।
- बिहार: छपरा में एंबुलेंस से भारी मात्रा में शराब तस्करी; शव पैकिंग समान के बीच विशेष तहखाना बना के ले आवत रहलें सs तस्कर, हैंडलर स्कैनर से धराइल। शराब के कीमत 18 लाख, मुजफ्फरपुर डिलीवर करे के रहे शराब।
- उत्तर प्रदेश: वाराणसी में ताजिया जुलूस के लेके शिया-सुन्नी समुदाय में बवाल, 100 से जादे घायल, कइयन गो वाहन क्षतिग्रस्त। पुलिसकर्मियन के बाइक के कइल गइल क्षतिग्रस्त।
- उत्तर प्रदेश: टॉप-10 अपराधियन के सजा करावे में सिद्धार्थनगर यूपी में पहिला, उन्नाव, रायबरेली आ अयोध्या दूसरा स्थान पs। गवाहन के पैरवी तय तिथी पs करा के अपराधियन के सजा दिला रहल बिया टीम।
- झारखंड: मुहर्रम पs बड़ हादसा, चार के मौत; बोकारो में 11 हजार वोल्ट के चपेट में आइल ताजिया, सीएम जतवलें शोक। इमाम बाड़ा शिफ्ट कइल जात रहे ताजिया।
- नरवने बोललें- मणिपुर हिंसा में बिदेसी एजेंसियन के हाथ; कवनो देस के सरहद जीतल मकसद ना, पड़ोसी देसन में अस्थिरता नशा के कारोबार बढ़ाई। देस के सुरक्षा के जिम्मेदारी हर नागरिक के बा।
- तमिलनाडु के पटाखा यूनिट में धमाका, 8 के मौत: कृष्णागिरी जिला के घटना, आसपास के घर आ दुकानन के भइल नुकसान।
- नड्डा के नया टीम के ऐलान, 38 नाम: बीएल संतोष राष्ट्रीय महामंत्री; वसुंधरा राजे, सीवी रमन उपाध्यक्ष, कांग्रेस से आइल एंटनी के बेटा के मिलल जिम्मेदारी। यूपी से राधामोहन अग्रवाल के नाम चरचा के विषय।
- ताइवान के 28 हजार करोड़ के मिलिट्री पैकेज दी अमेरिका: एमे एयर डिफेंस आ सर्विलांस सिस्टम सामिल; चीन बोलल- इलाका में तनाव बढ़ावल बंद करs। चीन ताइवान के तीन दिन घेरके ड्रिल कइले रहे।
- भारत-वेस्टइंडीज दुसरका वनडे: रोहित विराट के बिना उतरल टीम इंडिया, हार्दिक पांड्या कप्तानी कर रहल बाड़ें, गिल-ईशान ओपनिंग करे उतरल लो।
6128520cookie-checkसांझ के 10 बड़ खबर
Comments are closed.