सांझ के 10 बड़ खबर

By Anurag Ranjan On Jul 22, 2023

बिहार: जबतक जिंदा बानी, हाजीपुर से चुनाव लड़ेंम: केंद्रीय मंत्री पशुपति पारस बोललें- चिराग गोड़ छूवलें तs लोगन के गलतफहमी हो गइल। हमार दल अलग, उनकर दल अलग। नित्यानंद राय हमनी के मिलवावल चाहत रहलें, हम माना कs दिहनी।
बिहार: पत्नी के बर्थडे पs डिप्टी सीएम तेजस्वी के रोमांटिक पोस्ट; फोटो शेयर कs के लिखलें- पूरा दुनिया में रउआ हमार फेवरेट; हम लकी जे रउआ हमरा के चुननी। लालू राबड़ी मनावल लो पतोह के जन्मदिन।
उत्तर प्रदेश: गोरखपुर विश्वविद्यालय में भइल बवाल में 22 पs नामजद FIR, 8 अरेस्ट; ABVP कार्यकर्ता कुलपति के दउरा दउरा के पीटले रहे लो, संगही रजिस्ट्रार आ पुलिसवालन से भइल रहे मारपीट।
उत्तर प्रदेश: सीमा के तबियत बिगड़ल, डिहाइड्रेशन के शिकायत; राष्ट्रपति के भेजल दया याचिका में हीर-रांझा आ लैला-मजनू के हवाला। सीमा हैदर ममिला के यूपी ATS कs रहल बिया जांच।
झारखंड: झारखंड में सीएम योजना के भइल सुरूआत; पहिला चरण में 80 प्रखंडन में सुरू भइल बिरसा प्रशिक्षण केंद्र, प्रोत्साहन आ परिवहन भत्ता मिली।
तेलंगाना के किसान टमाटर बेंचके करोड़पति बनल: एक महीना में 1.8 करोड़ कमइलस, 10वीं में फेल भइला पs खेती सुरू कइलें रहस।
मणिपुर वायरल केस में 5वां गिरफ्तारी: चुराचांदपुर में 5000 कुकी महिला लोगन के प्रर्दशन, निर्वस्त्र कइल गइल एगो महिला के पति कारगिल युद्ध लड़ल बाड़ें। कहलें- हम कारगिल युद्ध में देस के दुश्मन से बचवनी, बाकिर दंगाइयन से आपन पत्नी के इज्जत ना बचा सकनी।
प्रधानमंत्री मोदी 70 हजार लोगन के नियुक्ति पत्र बटलें: कांग्रेस के नाम लेले बिना बोललें- ई लोग फोन बैंकिंग घोटाला कइल, अपनन के लोन दिहल लो। 8 महीना में 4.33 लाख लोगन के मिलल- ज्वाइनिंग लेटर।
अमेरिकी संसद में देखावल गइल बाइडेन के बेटा के निजी तस्वीर: रिपब्लिकन पार्टी महिलन के तस्करी पs घेरलस; डेमोक्रेट्स कारवाई के मांग कइल लो। हंटर बाइडेन के पुरान लैपटॉप से हासिल भइल बा तस्वीर।
कोरिया ओपन बैडमिंटन में सात्विक-चिराग के जोड़ी फाइनल में: डिफेंडिंग चैंपियन के सीधे गेमन में हरावल लो; वर्ल्ड नंबर 2 चाइनीज जोड़ी वेई-चेंग के खिलाफ पहिला जीत।