सांझ के 10 बड़ खबर

By Anurag Ranjan On Jul 12, 2023

बिहार: तेजस्वी बोललें तs बीजेपी उठा लेलस कुर्सी; इस्तीफा के मांग पs फूट पड़लें डिप्टी सीएम, कहलें- 2017 में चार्जशीट भइल, शपथ लेला से पहिले काहे ना रोकल लो। मात्र 37 मिनट चल सकल तीसरा दिन के कार्यवाही।
बिहार: मोदी मंत्रिमंडल में नया चेहरा हो सकत बाड़ें चिराग; रविशंकर प्रसाद के हो सकत बा वापसी, चौंका सकत बाड़ें संजय जायसवाल। मोदी के हनुमान के एनडीए में वापसी लगभग तय।
उत्तर प्रदेश: बागेश्वर वाले बाबा के कार्यक्रम में भगदड़, 10 घायल; अर्जी लगावे खातिर लागल रहे भीड़, गरमी-उमस से बेहोश भइल लो, गिरला से कई लोग चोटिल। ग्रेटर नोएडा में 16 तक चले के बा श्रीमद् भागवत कथा।
उत्तर प्रदेश: ज्योति मौर्य ममिला में कमांडेंट मनीष दूबे सस्पेंड; ऑर्डर आइल बाकी, 3 प्वाइंट पs भइल एक्शन, पति आलोक के रास्ता से हटावे के बात कहले रहस। पत्नी ज्योति से तालाक नइखन चाहत आलोक, कहलें- साथ-साथ रहल चाहत बानी।
झारखंड: धनबाद में छात्रा के बिंदी लगावे से स्कूल द्वारा मना कइला पs आत्महत्या के ममिला; आरोपी प्रिंसिपल आ शिक्षक गिरफ्तार, केंद्रीय बाल सरंक्षण आयोग लेलस संज्ञान, ममिला के करी जांच।
बालासोर ट्रेन हादसा में 7 अफसर सस्पेंड: रेलवे कहलस- ई लोग सतर्क रहित तs हादसा ना होइत। बालासोर हादसा के वजह सिग्नलिंग सिस्टम में खराबी।
उत्तराखंड समेत 5 राज्यन में भारी बरखा: 4 दिन में 100 मौत; दिल्ली में यमुना के लेवल 207.81 मीटर पहुंचल, केजरीवाल बोललें- निचिला इलाका के खाली करे लोग।
विपक्षी एकता बैठक 17-18 जुलाई के, 8 नया पार्टी जुड़ल: सोनिया गांधी एक दिन पहिले डिनर होस्ट करिहें; केजरीवालो के भेजल गइल न्यौता। एकरा संगही कांग्रेस अध्यक्ष खड़गे अपना तरफ से भेजलें चिट्ठी।
नाटो समिट में जेलेंस्की के फोटो वायरल: अकेले नजर अइलें यूक्रेन के राष्ट्रपति; सोशल मीडिया पs यूजर्स बोलल लो- मेला में खो गइल लईका।
भारत वेस्टइंडीज टेस्ट आज से: वेस्टइंडीज के खिलाफ लगातार नवां सीरीज जीते के मवका, यशश्वी ओपनर, नंबर 3 पs खेलिहें गिल। भारत के 21 साल से टेस्ट में नइखे हरा सकल वेस्टइंडीज।