घरेलू शेयर बाजार के बेंचमार्क सूचकांक लगातार पांचवां दिन गिरावट के संगे बंद भइल। हफ्ता के आखिरी कारोबारी दिन सेंसेक्स 1,176.46 (1.48%) अंक टूटके 78,041.59 पs बंद भइल। दूसरका ओर, निफ्टी 364.21 (1.52%) अंक फिसलके 23,587.50 पs बंद भइल। हालांकि, सुक के रुपिया अपना सर्वकालिक निचला स्तर से 10 पईसा तक रिकवर कs के 85.03 रुपिया पs बंद भइल।
बीएसई पs करीब 4085 शेयरन में कारोबार भइल, जेमे 1061 शेयर बढ़त के संगे बंद भइल जबकि 2929 शेयर टूटके बंद भइल। 95 शेयरन के भाव में कवनो बदलाव ना भइल। सुक के कारोबार के दौरान 229 शेयर 52 हफ्तन के ऑल टाइम हाई पs कारोबार करत रहे, जबकि 68 शेयर 52 हफ्तन के ऑल टाइम लो पs रहे। निफ्टी ऑटो, बैंक, एफएमसीजी आ आईटी लगभग सब सेक्टरन में बिकवाली दिखल।
