Khabar Bhojpuri
भोजपुरी के एक मात्र न्यूज़ पोर्टल।

सीवान AK 47 फायरिंग केस में शहाबुद्दीन के बेटा ओसामा समेत आठ पs FIR

रईस खान प s हमला के आरोपी लोगन में आइल नाव, जांच करे पहुंचले डीआईजी

201

सोमार के सीवान में निर्दलीय प्रत्यासी रईस खान पs भइल गोलीबारी के ममिला में दिवंगत पूर्व सांसद शहाबुद्दीन के बेटा मोहम्मद ओसामा शहाब समेत आठ लोग पs FIR दर्ज भइल बा। ‘खान ब्रदर्स’ के नाव से मशहूर रईस खान हुसैनगंज थाना में केस दर्ज करावत मंगर के साँझ के कहले एह दौरान हम सबसे अगिला गाड़ी पs रही। एह से तेजी से निकल गइनी। पीछे देखनी तs हमरा समर्थकन के गाड़ी पs फायरिंग होत रहे।

ओसामा शहाब के नाव सामने अइला के बाद से इलाका में गोलबंदी तेज हो गइल बा। डॉ॰ मो॰ शहाबुद्दीन साहिब क्लब फैन के फेसबुक पेज पs लिखल गइल बा, ‘भोजपुरी में कहावत बा कि, चढावल ढ़ोल जेतने आछा बाजेला, ओतने जल्दी फटबो करेला। आज एगो बेसहारा पs झूठ-मूठ के लांछन लगावल जा रहल बा आ अपना दिमाग में इ खेयाल बइठा लेले बा कि कवनो तरीका से बदनाम कs के सीवान में हम राज करेम। तs इ सभे के भूल बा, जेकरा संगे हमनी के काल्ह रहनी जा। ओकरा संगे आजो बानी जा, आ बिहनहु रहेम जा। चाहे केहु केतनो राजनीति कs लेव, सीवान में साहेब नइखे बन सकत। ऊपर आला के घर में देर बा, अन्हार ना।’ बता दिहल जाव कि MLC चुनाव में RJD के उम्मीदवार विनोद कुमार जायसवाल के पूर्व सांसद शहाबुद्दीन के परिवार के समर्थन मिलल बा।

सीवान पहुंच DIG रविंद्र कुमार कइले जांच 

मंगर के साँझ के सारण रेंज के डीआईजी रविंद्र कुमार सीवान पहुंचले। गोलीबारी के ममिला में कहले कि जांच हो रहल बा। अपराधियन के पकड़ के उचित कारवाई कइल जाई।

डीआईजी रविंद्र कुमार

 

एह लोग पs भइल बा एफ़आईआर 

सोमार के साँझ निर्दलीय प्रत्यासी रईस खान आ उनका काफिला पs आधा दर्जन से बेसी अपराधी फायरिंग कs देले रहले सs। घटना तब भइल रहे जब ऊ एमएलसी चुनाव बीत गइला पs शहर के नाया किला कार्यालय से अपना घरे सिसवन के ग्यासपुर जात रहस। एह हमला में एगो जुवक के मौत हो गइल आ 6 लोग घायल भइल।

ओसामा शहाब

हुसैनगंज थाना में दिहल आवेदन में कहल गइल बा कि इ हमला राजनीतिक प्र्तिरोध में कइल गइल बा। एमे मुख्य साजिशकर्ता प्रतापपुर गांव के रहनिहार ओसामा शहाब, नगर थाना क्षेत्र के नाया किला के रहनिहार भुट्टू मिया उर्फ पिस्टल,  सराय ओपी के चांप के मो॰ आफताब, ओरमा के पूर्व मुखिया शाबिर मियां, एमएच नगर थाना के शेखपुरा के मुखिया पति डब्ल्यू खां, महुवल गांव के आजाद अंसारी, आसिफ सिद्दकी आ यूपी के मऊ जिला के मोनु सिंह उर्फ चवन्नी सिंह के नाव बा।

साभार: भास्कर

237520cookie-checkसीवान AK 47 फायरिंग केस में शहाबुद्दीन के बेटा ओसामा समेत आठ पs FIR

ईमेल से खबर पावे खातिर सब्सक्राइब करीं।

Get real time updates directly on you device, subscribe now.

Comments are closed.