सिद्धारमैया होइहें कर्नाटक के नया सीएम, डीके शिवकुमार बनिहें डिप्टी CM; 20 मई के शपथ ग्रहण समारोह

कांग्रेस के वरिष्ठ नेता सिद्धारमैया कर्नाटक के अगिला मुख्यमंत्री होइहें। जबकि डी.के. शिवकुमार उपमुख्यमंत्री पद के शपथ लिहें। बता दीं कि कांग्रेस अध्यक्ष मल्लिकार्जुन खरगे कर्नाटक सरकार के गठन खातिर आम सहमति जतवलें। शपथ ग्रहण समारोह 20 मई के बेंगलुरु में होई।

 

Siddaramaiah to be the next chief minister of Karnataka and DK Shivakumar to take oath as deputy chief minister. Congress President Mallikarjun Kharge arrived at a consensus for Karnataka government formation. The oath ceremony will be held in Bengaluru on 20th May. pic.twitter.com/CJ4K7hWsKM

— ANI (@ANI) May 17, 2023

दरअसल, कांग्रेस विधायक दल (CPL) के बैठक आज (18 मई) सांझ 7 बजे बेंगलुरु में बोलावल गइल बा।

 

Congress Legislative Party (CLP) meeting called in Bengaluru today (18th May) at 7pm.#KarnatakaCMRace pic.twitter.com/MxzOhbfJCD

— ANI (@ANI) May 17, 2023

एकरा पहिले कर्नाटक कांग्रेस प्रभारी रणदीप सुरजेवाला, कर्नाटक कांग्रेस अध्यक्ष डी.के. शिवकुमार आ कांग्रेस के वरिष्ठ नेता सिद्धारमैया पार्टी महासचिव के.सी. वेणुगोपाल से मुलाकात कइले रहे लो।

#WATCH | Delhi: Senior Karnataka Congress leader Siddaramaiah leaves from general secretary KC Venugopal’s residence after meeting him & Karnataka incharge Randeep Surjewala as Karnataka CM decision remains pending. #KarnatakaCMRace pic.twitter.com/0IARAvbmEN

— ANI (@ANI) May 17, 2023

13 मई के घोषित भइल रहे नतीजा 

उल्लेख करे जोग बा कि कर्नाटक में विधानसभा चुनाव के नतीजा 13 मई के घोषित भइल रहे। कांग्रेस के कर्नाटक चुनाव में प्रचंड बहुमत मिलल बा। कांग्रेस 135 सीटन पs जीत हासिल कइले बिया। हालांकि, एकरा बादे से कांग्रेस पार्टी सीएम फेस के लेके पिछला चार दिनन से चरचा करत रहे, बाकिर अब जाके सीएम के नाम पs मोहर लाग पाइल बा।

डीके शिवकुमार बनिहें डिप्टी सीएम

कांग्रेस एक बेर फेर सिद्धारमैया पs भरोसा जतवले बिया। समाचार एजेंसी एएनआइ के मोताबिक, सिद्धारमैया कर्नाटक के नया मुख्यमंत्री होइहें, जबकि डीके शिवकुमार के डिप्टी सीएम पद मिली। एकरा पहिले दुनो नेता लोग दिल्ली में कांग्रेस के कइयन बड़ नेता लोगन से मुलाकात कइले रहे लो।

5481710cookie-checkसिद्धारमैया होइहें कर्नाटक के नया सीएम, डीके शिवकुमार बनिहें डिप्टी CM; 20 मई के शपथ ग्रहण समारोहno