आज से पूर्वोत्तर रेलवे के कइयन गो ट्रेन रद्द : इंजीनियरिंग कार्य के लेके कइल गइल बा कैंसिल, देखीं रद्द ट्रेनन के लिस्ट

By khabar Bhojpuri Desk On Mar 1, 2024

रेलवे विभाग कावर से अपना मूलभूत संरचना में लगातार बदलाव कइल जा रहल बा। जवना से रेलवे के यात्रा के सरल आ सुविधा जनक बनावल जा सके। रेलवे प्रशासन वाराणसी मंडल के इंदारा-फेफना खण्ड पs इंदारा-रतनपुर-रसड़ा के बीच दोहरीकरण के लेके प्री-नॉन इंटरलॉक, नॉन इंटरलॉक कार्य कइल गइला के कारण कइयन ट्रेनन के रद्द कइल गइल बा।

ट्रेनन के रद्द होखे से छपरा रूट से रनिंग थ्रू यात्रियन के परेसानी के सामना करे के पड़ सकत बा। ई जानकारी जनसंपर्क पदाधिकारी अशोक कुमार पत्र जारी करत देले बाड़ें। निश्चित अवधि के बाद सब ट्रेनें अपना समय आ मार्ग से संचालित होखे लगिहें सs।

रद्द ट्रेनन के सूची

बलिया से 01 से 05 मार्च, 2024 तक चले वाली 05171 बलिया-शाहगंज अनारक्षित विशेष गाड़ी रद्द रही।
शाहगंज से 02 से 06 मार्च, 2024 तक चले वाली 05172 शाहगंज-बलिया अनारक्षित विशेष गाड़ी रद्द रही।
बलिया से 03 से 05 मार्च, 2024 तक चले वाली 05167 बलिया-शाहगंज अनारक्षित विशेष गाड़ी रद्द रही।
शाहगंज से 03 से 05 मार्च, 2024 तक चले वाली 05168 शाहगंज-बलिया अनारक्षित विशेष गाड़ी रद्द रही।
दोहरीघाट से 03 से 05 मार्च, 2024 तक चले वाली 05477 दोहरीघाट-मऊ अनारक्षित विशेष गाड़ी रद्द रही।
मऊ से 03 से 05 मार्च, 2024 तक चले वाली 05478 मऊ-दोहरीघाट अनारक्षित विशेष गाड़ी रद्द रही।