राखी सावंत के भेजलस महाराष्ट्र साइबर सेल समन,बोलली राखी सावंत-‘ हम तs भिखारिन हई… हम कवनो गुनाह नइखी कइले, ना गारी देले बानी ‘

समय रैना शो ‘इंडियाज गॉट लेटेंट’ विवाद में महाराष्ट्र साइबर सेल राखी सावंत के समन भेजले बा.  एकरा बाद उs एगो वीडियो पोस्ट कs के प्रतिक्रिया देले बाड़ी. संगही, सेल उनुका से कहले बा कि उs 27 फरवरी के आपन बयान दर्ज करस।  जवना एपिसोड में राखी देखल गईल रहली।  एहमें आशीष सोलंकी, महीप सिंह, यशराज आ बलराज घई भी लउकलन, जहा उs लोग कहले कि उहाँ आवे खातिर पईसा दिहल गईल बा।  बॉलीवुड के ड्रामा क्वीन भी खुलासा कईली कि उs केहु के संगे दुर्व्यवहार ना कईली।  एही बीच अब राखी सावंत के एगो वीडियो वायरल होखता, जवना में उs रेप केस के मामला पs ध्यान देवे के कहत देखाई देतारी अवुरी कहली कि उनुका लगे साइबर सेल के देवे खातीर एको रुपया नईखे।

राखी सावंत के वीडियो से हलचल मच गईल

राखी समय रैना के शो के एगो एपिसोड में पैनल में रहली, जवना के चलते महाराष्ट्र साइबर सेल उनुका के बोलवले बा।  अपना इंस्टा पs एगो वीडियो शेयर करत राखी सावंत कहली कि, ‘हमरा के पईसा देके इंटरव्यू खातीर बोलावल गईल अवुरी हम इंटरव्यू कs देले बानी।’  एह बारे में बात करत बॉलीवुड अभिनेत्री कहली कि समन भेजला के मतलब कुछुओ ना होला दोस्त लोग… ना?  रउआ हमरा के वीडियो कॉल करीं, हम रउआ सभे के सवाल के जवाब देवे खातिर तैयार बानी काहे कि हम एगो कलाकार हईं।  हम केहू के गारी तक नईखी देले लंबित बलात्कार के मामला पs ध्यान दीं।

राखी सावंत अपना के भिखारिन कहली

राखी सावंत आगे वीडियो में कहतारी कि, ‘हम भिखारीन हई, हमरा लगे एको रुपया तक नईखे कि हम आपके दी।’  हम दुबई में रहत बानी।  हमरा के फोन कs के का करब?  एकर कवनो फायदा नइखे.  अपराधी के सजा दे दीं यार।  हमनी के कवनो अपराध नईखी कईले… हम व्हाइट कॉलर हई।’  राखी के ई वीडियो सोशल मीडिया पs वायरल हो गइल बा, जेकरा बाद अभिनेत्री परेशानी में पड़ गइल बाड़ी

इहो पढ़ीं: भक्तिमय सोमार: ‘श्रद्धा के सागर’ धरती चीर के बाहर निकलल रहे गोरखपुर के मां काली के प्रतिमा