केंद्र सरकार 24 संसदीय समिति के गठन कईले बिया। कांग्रेस के शशि थरूर के विदेश समिति के अध्यक्ष बनावल गइल बा जबकि दिग्विजय सिंह के महिला, शिक्षा, युवा आ खेल के संसदीय समिति के अध्यक्ष बनावल गइल बा. राम गोपाल यादव के स्वास्थ्य समिति के अध्यक्ष आ राधा मोहन दास अग्रवाल के रक्षा मामिला के संसदीय समिति के अध्यक्ष बनावल गइल बा. विपक्ष नेता राहुल गांधी के रक्षा मामिला के संसदीय समिति के सदस्य बनावल गइल बा. भर्तृहरि महताब के वित्त पs संसदीय समिति के अध्यक्ष बनावल गइल बा.
जबकि भाजपा सांसद निशिकांत दुबे के संचार आ आईटी समिति के अध्यक्ष बनावल गइल बा. मंडी से भाजपा सांसद कंगना रनौत के एह समिति में सदस्य के रूप में जगह मिलल बा। भाजपा नेता सीएम रमेश के रेल मामिला के संसदीय समिति के अध्यक्ष बनावल गइल बा.
टीएमसी आ डीएमके के अध्यक्षता दू दू गो समिति कइले बा जबकि जेडीयू आ सपा के अध्यक्षता एक-एक समिति कइले बा. राजीव प्रताप रूडी के जल संसाधन मंत्रालय से जुड़ल स्थायी समिति के अध्यक्ष बनावल गइल बा. यूसुफ पठान के वाणिज्य मंत्रालय से जुड़ल स्थायी समिति के सदस्य बनावल गइल बा आ हरभजन सिंह के शिक्षा मंत्रालय से जुड़ल स्थायी समिति के सदस्य बनावल गइल बा. चरणजीत सिंह चन्नी के कृषि मंत्रालय से जुड़ल स्थायी समिति के अध्यक्ष बनावल गइल बा.
संसद के स्थायी समिति का हs?
संसद के स्थायी समिति संसद के भीतर बनल अइसन समिति हवें जे कौनों खास बिसय भा मंत्रालय से संबंधित मामिला सभ के गहिराई से अध्ययन करे लीं। एकर सदस्य अलग-अलग पार्टी के सांसद बाड़े। ई समिति संसद के मुख्य कामकाज के अधिका कुशलता से करे में मदद करेली सँ. संसदीय समिति सरकार के ओर से पेश विधेयक के विस्तार से अध्ययन करेले अवुरी ओकरा में सुधार खातीर सुझाव देवेले। कई बेर संसद के स्थायी समिति के मदद भी लिहल जाला कि कवनो मुद्दा भा विधेयक पs पक्ष आ विपक्ष के बीच के गतिरोध के समाधान कइल जाला।
