नवजात बच्चा के देखभाल कईल बहुत कठिन काम होखेला, एकरा के खाली महतारी ही निमन से कs सकतारी। महतारी के सबसे जादा दर्द तब होखेला जब नवजात बच्चा रोवेला अवुरी उs अपना बच्चा के रोवे के कारण समझे के कोशिश करेली। आमतौर पs नवजात शिशु दिन में 2 से 3 घंटा तक रोवेला। जब बच्चा रोवेला तs महतारी के खाली भूख के चलते लागेला। बाकिर ना, बच्चा के रोवे के एकमात्र कारण भूख ना होखेला, बहुत कारण से बच्चा रो के आपन बात बतावे के कोशिश करेला, आई बता दी कि उs का कारण बा।
ओवरफीडिंग
महतारी बच्चा के गोदी में लेके बईठेली अवुरी ओकरा बाद ओकरा के जरूरत से जादे दूध पियावेले। एकरा चलते बच्चा के पेट फुल जाला अवुरी फेर दूध जल्दी ना पचला के चलते बच्चा के पेट में परेशानी हो जाला अवुरी उs रोवे लागेला, काहेंकी बच्चा के अपच के समस्या होखेला।
कपड़ा
बच्चा के आराम खातिर ध्यान राखे के चाही कि ओकरा के जादा टाइट कपड़ा ना होखे। संगही, कमरा के मौसम अवुरी तापमान के मुताबिक बच्चा के कपड़ा पहिनाई। अगर अयीसन ना भईल तs उs असहज होखला के चलते रोवे लागेले। कड़ा कपड़ा के चलते बच्चा के दाना हो जाला, जवना के चलते उs रोवे लागेले।
नींद
लइका दिन भर बिछौना भा पालना पs खेलत रहेला अवुरी ओकरा बाद थक के सुत जाला। लइका के दिन में कम नींद लेवे के चाही, एहसे उs रात में ना जागे अवुरी शांत माहौल में गहिराह नींद लेवे में सक्षम होई। अगर बच्चा दिन में जादा नींद लेवे तs उs रात भर बेचैन रहेला।
