हालांकि भारत 22 अप्रैल के पहलगाम में 6-7 मई के रात में भईल आतंकी हमला के बदला लेले रहे, बाकिर अबे ले उs ऑपरेशन सिंदूर खतम होखे के घोषणा नईखे कईले। एकरा चलते पाकिस्तान में दहशत मचल बा। पाकिस्तान लगातार एलओसी पs गोलीबारी करतिया। बियफ़ें के भी पाकिस्तान एलओसी पs गोला अवुरी मोर्टार चला देलस। हालांकि कवनो जानमाल के नुकसान ना भईल। अधिकांश लोग बियफ़ें के सीमावर्ती इलाका से निकल के सुरक्षित जगह पs गईले।
एकरा से पहिले 6-7 मई के रात भारत मिसाइल हमला में पाकिस्तान में हाफिज सईद अवुरी मसूद अजहर के आतंकी ठिकाना के तबाह कs देले रहे। पाकिस्तान में लश्कर-ए-तैयबा, जैश-ए-मोहम्मद आ हिजबुल मुजाहिद्दीन के आतंकी छिपल जगहन पs भइल भारी बमबारी के चलते हंगामा मचल बा. पाकिस्तान एह हमला के भारत से बदला लेबे के धमकी देत बा. इहाँ भारतीय सेना भी पाकिस्तान के जवाब देवे खातीर तैयार बिया। एही बीच अमेरिकी राष्ट्रपति डोनाल्ड ट्रंप पाकिस्तान पs भारत के हमला पs एगो बड़ बयान देके कहले कि – भारत जइसे के बदला तइसे देला।
उत्तर आ उत्तर पश्चिम के 21 गो हवाई अड्डा 10 मई ले बंद रही’.
पंजाब के अमृतसर में एडीसीपी-2 सिरिवेनेला कहले कि, ’10 मई तक पूरा उत्तर अवुरी उत्तर-पश्चिम के 21 हवाई अड्डा बंद रही, सभ उड़ान रद्द क दिहल जाई। पूरा हवाई अड्डा के सील क दिहल गईल बा;केवल सुरक्षा बल अवुरी टीम के प्रवेश के अनुमति दिहल जाई, जब ले स्थिति में सुधार ना होई, तब ले हमनी के केंद्र सरकार के आदेश के पालन करब।
पाकिस्तान से तनाव के बीच भारत क्वाड देशन के साथे ई अभ्यास कइलस
पाकिस्तान से जारी तनाव के बीच भारत क्वाड के साझेदार अमेरिका, ऑस्ट्रेलिया अवुरी जापान के संगे मिल के हवाई के होनोलुलु में एशिया-प्रशांत सेंटर फॉर सिक्योरिटी स्टडीज में टेबलटॉप अभ्यास कईले। ई क्वाड भारत-प्रशांत रसद नेटवर्क (आईपीएलएन) के शुरुआत के सिमुलेशन रहे। आईपीएलएन एगो अइसन पहल हs जवना से क्वाड पार्टनर भारत-प्रशांत में साझा रसद क्षमता के लाभ उठा सकेलें.
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
