आधार कार्ड के एनआरसी से जोड़े के कोशिश के तहत असम सरकार बुध के एगो बड़ फैसला कईले बिया। असम सरकार के फैसला के मुताबिक जदी आवेदक चाहे उनुकर परिवार एनआरसी खातीर आवेदन नईखे कईले तs आधार कार्ड खातीर आवेदन भी खारिज कs दिहल जाई। मुख्यमंत्री हिमंत विश्व शर्मा कहले कि, संकटग्रस्त बांग्लादेश के नागरिक के घुसपैठ के कोशिश के देखत मंत्रिमंडल के बैठक के दौरान इs फैसला लिहल गईल। उs कहले कि, ‘पिछला दु महीना में असम पुलिस, त्रिपुरा पुलिस अवुरी बसपा बहुत संख्या में घुसपैठिया के पकड़ले बिया। एही से बांग्लादेश से घुसपैठ हमनी खातिर चिंता के विषय बा।
हमनी के आपन व्यवस्था मजबूत करे के जरूरत बा’
शर्मा कहले कि, ‘हमनी के आपन व्यवस्था मजबूत करे के जरूरत बा अवुरी एहीसे हमनी के आधार कार्ड प्रणाली के कड़ा करे के फैसला कईले बानी। एकरा खातीर नोडल एजेंसी होई अवुरी हरेक जिला में एगो अपर जिला आयुक्त संबंधित व्यक्ति होईहे। उs कहले कि, ‘शुरुआती आवेदन के बाद यूआईडीएआई एकरा के सत्यापन खातीर राज्य सरकार के भेज दिही। स्थानीय सर्किल अधिकारी यानी सीओ पहिले जांच करीहे कि आवेदक चाहे उनुकर माता-पिता चाहे परिवार एनआरसी में शामिल होखे खातीर आवेदन कईले बाड़े कि ना।’
इहो पढ़ीं: सबेरे-सबेरे: सरीर के फिट राखे खातीर रोज करीं इs 3 गो योगासन
