यूपी के महाराजगंज जिला में एगो चौंकावे वाला मामला सामने आईल बा। इहाँ एगो आदमी एगो मरल लईकी से बियाह कs लेले बा। लईकी के अंतिम संस्कार खातीर करें आईल पंडित बियाह के मंत्र पढ़ले अवुरी ओकरा बाद शव के अंतिम संस्कार कs दिहल गईल। पूरा मामला जिला के निचलौल इलाका के बा। बतावल जाता कि लईका अवुरी लईकी के बीच बहुत साल तक प्यार रहे। दुनो के परिवार बियाह खातीर सहमत हो गईल रहे। दुनों के बियाह एs साल होखे वाला रहे। हालांकि लईकी अज्ञात कारण से फांसी लगा के आत्महत्या कs लेलस।
लईकी फांसी लगा के आत्महत्या कs लेलस
परिवार के लोग के मुताबिक निचलौल के कृष्णनगर वार्ड के निवासी प्रियंका मद्धेशिया (23 साल) अवुरी हरेडीह निवासी सनी मद्धेशिया (29 साल) बहुत साल तक एक दूसरा से प्यार करत रहले। दुनो के प्रेम प्रसंग के जानकारी मिलला पs परिवार के लोग भी अपना बियाह खातीर तैयार हो गईले। दुनो लोग के बियाह एs साल 29 नवंबर के होखे वाला रहे। एही बीच अतवार के रात प्रियंका फांसी लगा के हत्या कs देली। हालांकि परिवार उनुका के अस्पताल भी ले गईल, जहां डॉक्टर उनुका के मृत घोषित कs देले। लइकी के आत्महत्या से सब लोग चौंक गईल।
पुलिस जांच में जुटल बिया
निचलौल थाना थाना के थानाध्यक्ष अखिलेश कुमार वर्मा बतवले कि महिला के मउत के बाद उनुकर परिवार के लोग उनुकर अंतिम संस्कार कs देले बाड़े। उs कहले कि एकरा से पहिले प्रेमी अपना प्रेमिका से बियाह कs लेले रहे। उs कहले कि पुलिस मामला के भी अपना स्तर पs जांच करतिया। घटना के लेके अबे तक कवनो शिकायत नईखे आईल। पोस्टमार्टम रिपोर्ट के आधार पs आगे के कार्रवाई कईल जाई।
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
