मुंबई के आरे कॉलोनी से आत्महत्या के एगो चौंकावे वाला मामला सोझा आईल बा। जानकारी के मुताबिक इहाँ के आरे कॉलोनी में स्थित एगो इंटरनेशनल स्कूल/कॉलेज में 11वीं कक्षा के एगो नाबालिग छात्रा आत्महत्या कs लेले बिया। आत्महत्या के एs घटना के जानकारी मिलते पुलिस एs घटना के संज्ञान ले लेलस। पुलिस के कहनाम बा कि उs आत्महत्या के एs मामला के जांच करतिया।
छात्रा वाशरूम में फांसी लगा लिहलस
प्रारंभिक जानकारी के मुताबिक काल्ह मुंबई के आरे कॉलोनी में स्थित एगो इंटरनेशनल कॉलेज में कक्षा 11 के 16 साल के नाबालिग छात्रा वाशरूम में फांसी लगा के आत्महत्या कs लेलस। एs घटना के संबंध में पुलिस से मिलल जानकारी के मुताबिक लईकी के जान-पहचान करेवाला लोग के कहनाम बा कि उs अयीसन कदम पहिले भी उठवले रहली।
स्कूल/कॉलेज का कहलस?
फिलहाल मुंबई के आरे पुलिस आत्महत्या के एs मामला में एडीआर दायर कs के जांच शुरू कs देले बिया। छात्रा के आत्महत्या पs कॉलेज प्रशासन के ओर से एगो बयान भी निकलल बा। कॉलेज के ओर से एगो बयान जारी कs के कहल गईल बा कि उs ए घटना से दुखी बा। कॉलेज पूरा मामला में पीड़ित परिवार के प्राइवेसी के अपील कईले बा।
इहो पढ़ीं: Gorakhpur AIIMS: मेस में खाना के बाद 15 छात्रन के तबीयत बिगड़ल, एगो छात्र भरती
