प्रयागराज के महाकुंभ में नहाए खातिर रोज श्रद्धालु के भारी भीड़ आ रहल बा, जवना के चलते पूरा शहर जाम बा। अतवार के बाद से भारी भीड़ के स्थिति अयीसन बा कि खाली 20 मिनट के दूरी तय करे खातीर लोग कई घंटा ले जाम में फंसल रहले। प्रयागराज के महाकुंभ मेला के सगरी रूट पs अतवार के दिने कई किलोमीटर ले यातायात बाधित रहल. भीड़ के संगे अयीसन हालत रहे कि प्रयागराज संगम रेलवे स्टेशन बंद हो गईल। मेला प्रशासन के ओर से जारी आंकड़ा के मुताबिक 13 जनवरी से 9 फरवरी ले 43.57 करोड़ से जादे भक्त संगम में डुबकी लगा चुकल बाड़े।
भीड़ के चलते बंद प्रयागराज संगम स्टेशन
इहो पढ़ीं:Lifestyle: नींबू से दांत कइसे साफ करीं? सफेद आ चमकदार दांत खातीर अपनाई इs असरदार तरीका
एडीसीपी ट्रैफिक कुलदीप सिंह कहले कि, गाड़ी के संख्या बहुत जादे बा अवुरी यात्री जल्दी से जल्दी पहुंचे खातीर नजदीक पहुंचे के कोशिश करतारे। एकरा चलते लमहर ट्रैफिक जाम बा आ एह भीड़ के चलते हमनी के मौनी अमावस्या के सिस्टम लागू करे के पड़ेला। कहलन, लगभग उहे भीड़ जवन मौनी अमावस्या पs आइल रहे अब आवत बा. दूर के पार्किंग 50 प्रतिशत भरल बा। नजदीकी पार्किंग छोट बा, जबकि दूर के पार्किंग बड़ बा, तबो गाड़ी के कतार लागल बा।
भीड़ के चलते बंद प्रयागराज संगम स्टेशन
एही बीच वरिष्ठ संभागीय वाणिज्यिक प्रबंधक (उत्तर रेलवे), लखनऊ कुलदीप तिवारी बतवले कि, चूंकि प्रयागराज संगम स्टेशन के बहरी भारी भीड़ के चलते यात्री के स्टेशन से बाहर निकले में बाधा आवत रहे एहसे प्रयागराज संगम स्टेशन बंद करे के फैसला भईल बा। अब यात्रियन के आपन ट्रेन पकड़े खातिर प्रयागराज जंक्शन जाए के पड़ी। रेलवे के अधिकारी लोग के कहनाम बा कि भीड़ पs नियंत्रण होखला के बाद स्टेशन के फेर से खोलल जाई। प्रशासन यात्री लोग से निर्देश के पालन करे के अपील कईले बा। भक्तन के सुविधा खातिर अतिरिक्त ट्रेन चलावे पs भी विचार कइल जा रहल बा।
रेलवे विशेष इंतजाम कईले बा, जानी-
महाकुंभ 2025 खातिर आवे वाला श्रद्धालु के भारी भीड़ के देखत उत्तर मध्य रेलवे आगे के आदेश ले प्रयागराज जंक्शन स्टेशन पs एक दिशा में यातायात के व्यवस्था लागू कईले बिया। उत्तर मध्य रेलवे के वरिष्ठ जनसंपर्क अधिकारी अमित मालवीय जानकारी देले।
*यात्री के सुरक्षा अवुरी सुविधा खातीर खाली शहर के ओर से (प्लेटफॉर्म नंबर 1 के ओर) अवुरी बाहर निकले के अनुमति ‘सिविल लाइन्स’ के ओर से होई।
*बिना आरक्षित टिकट वाला यात्रियन के दिशावार यात्री आश्रय से प्रवेश दिहल जाई।
*टिकट के इंतजाम बिना आरक्षित टिकट काउंटर, एटीवीएम अवुरी यात्री आश्रय स्थल में मोबाइल टिकट के रूप में होई।
*एही तरे आरक्षित टिकट वाला यात्रियन के गेट नंबर पांच से प्रवेश दिहल जाई आ ट्रेन आवे से आधा घंटा पहिले प्लेटफार्म पs चहुँपे के अनुमति दिहल जाई.
